ქუთაისში კომპანია "მაქსიმის" 200-მდე ტაქსის მძღოლი მუშაობის გაგრძელებაზე უარს ამბობს და საპროტესტო აქციას მართავს.
მძღოლების განმარტებით, განვლილ მანძილზე მომხმარებელს ტაქსის კომპანია იგივე ტარიფს სთავაზობს, რაც საწვავის გაძვირებამდე იყო, რის გამოც მათ მოგება აღარ რჩებათ. მათი თქმით, მანქანის საწვავით მომარაგებასაც კი ვეღარ ახერხებენ.
"ჩვენი მუშაობის შეწყვეტის მიზეზი არის გაზრდილი საწვავის ფასი და დაბალი ტარიფები ჩვენ კომპანიაში. ჩვენ ამით გვინდა მივაწვდინოთ ხმა კომპანიის წარმომადგენლებს, რომ დაგვიკავშირდნენ, გადახედონ ტარიფებს, გამოვიდნენ ჩვენთან კონტაქტზე, შეგვხვდნენ, მოისმინონ ჩვენი პრობლემები და ერთდროულად გადავჭრათ პრობლემა", - თქვა აქციის ერთ-ერთმა მონაწილემ.
Report. ge
