InterPress.ge იუწყება, რომ რამდენიმე დღის წინ, სოფელ ქვემო სარალში, ორუჯოვების ოჯახს კუთვნილი სახლი გაძარცვეს.
დაზარალებულების ახლობლების თქმით, ეს არ არის ქურდობის პირველი შემთხვევა, მსგავსი შემთხვევა გასულ წელსაც მოხდა. მიუხედავად იმისა, რომ ქურდობა რამდენიმე დღის წინ მოხდა, ამის შესახებ გუშინ გახდა ცნობილი.
მათივე თქმით, სახლში სხვა არავინ ცხოვრობს, რადგან ოჯახის წევრები თურქეთში ცხოვრობენ. პირველად სახლიდან 4000-5000 ლარის ღირებულების, ამჯერად კი 3 500 ლარის ღირებულების საყოფაცხოვრებო ნივთები და ტანსაცმელი მოიპარეს.
ახლობლების თქმით, მას შემდეგ, რაც პოლიციამ სახლში ქურდობის ფაქტი შეისწავლა, სამართალდამცავი ორგანოების მხრიდან არანაირი ზომები არ განხორციელებულა.
პოლიციამ მომხდართან დაკავშირებით გამოძიება დაიწყო.

