„სამწუხარო რეალობაა, რომ დღეს არც ისე ადვილია ვაქცინების მოპოვება მსოფლიო ბაზარზე. დღეს ევროკავშირსაც კი აქვს პრობლემები ვაქცინების მოწოდების თვალსაზრისით“, - ამის შესახებ დაავადებათა კონტროლის ეროვნული ცენტრის ხელმძღვანელის მოადგილემ, პაატა იმნაძემ მედიავებინარზე განაცხადა.
„ჯანმრთელობის მსოფლიო ორგანიზაციის გენერალური მდივნის, ბატონი ტედროსისის განცხადებაშიცაა ნახსენები სიტყვა „აპარტეიდი“ - ვაქცინებთან დაკავშირებით. ძალიან დიდი იმედი მაქვს, რომ როდესაც ის ქვეყნები დაიკმაყოფილებენ თავიანთ ძირითად მოთხოვნილებებს, რომელთაც შესაძლებლობა აქვთ და ჰქონდათ, წინასწარ ჩაედოთ მილიარდობით დოლარი ვაქცინების წარმოებაში, უფრო გაადვილდება ვაქცინების შესყიდვა. ჩვენ მხოლოდ „კოვაქსის“ პლატფორმის იმედად ვერ ვიქნებით. „კოვაქსიდან“ მხოლოდ „ასტრაზენეკას“ და „ფაიზერის“ ძალიან მცირე დოზები გვაქვს მიღებული და პრაქტიკულად, ქვეყანაში ვაქცინაციას ფართოდ ვერ დავიწყებდით“, - აღნიშნა პაატა იმნაძემ.
(imedi)
