„სინოფარმით“ ვაქცინაცია როგროც კი დაიწყო, გამოჩნდა, რომ ინტერესი ვაქცინაციის მიმართ მნიშვნელოვნად გაზრდილია მას შემდეგ, რაც მარტში კორონავირუსის საწინააღმდეგო ვაქცინაცია დავიწყეთ, ამ ეტაპზე 80 ათასამდე ადამიანია აცრილი, - ამის შესახებ ჯანდაცვის მინისტრის მოადგილემ, თამარ გაბუნიამ „იმედის დღეში“ განაცხადა.
მისი თქმით, გაზრდილი ინტერესის მუხედავად, ვაქცინაციის პროცესი არ არის იმ მასშტაბის, რომ დარჩენილი შეზღუდვები სრულად გაუქმდეს.
„ჯერჯერობით ვაქცინაცია არ არის იმდენად ფართო, რომ ჩვენ მის იმედად გვქონდეს შეზღუდვების შემსუბუქების შესაძლებლობა. თუმცა იმან, რომ პირბადის ტარების მაჩვენებელი გაუმჯობესებულია, რაც იმედისმომცემია, ასევე იმან, რომ ზაფხულია და მოსახლეობაც მზად არის გარე სივრცეში გაატაროს მეტი დრო, მოგვცა შესაძლებლობა, რომ დარჩენილი პერიოდი უსაფრთხოდ გავატაროთ. ზამთარში რომ ყოფილიყო ეს სიტუაცია, ჩვენ ღამის საათებში გადაადგილების შეზღუდვას ვერ გადავწევდით" - განაცხადა გაბუნიამ.
