მანვე ე.წ. ინდურ შტამთან დაკავშირებით ისაუბრა და აღნიშნა, რომ "ინდურ შტამს" ორმაგი მუტაციის უნარი აქვს, რაც იმას ნიშნავს, რომ შეუძლია, იმუნიტეტს გვერდი აუაროს.
„ამჟამად გავრცელების პიკში ვიმყოფებით. მაქსიმალური სიფრთხილის გამოჩენაა საჭირო! ასევე, აუცილებლად უნდა მივმართოთ ვაქცინაციას, რომელიც ერთადერთი გზაა დაავადების დასამარცხებლად.
ერთ-ერთი ყველაზე სახიფათოა ინდური შტამი, რომელიც ორმაგი მუტაციით გამოირჩევა, რაც ნიშნავს იმას, რომ გვერდი აუაროს იმუნიტეტს მაღალი პოტენციალი აქვს, თუმცა ამ ეტაპისთვის ეს შტამი არ გვაქვს“, - განაცხადა ეპიდემიოლოგმა.
ამასთან, ჩოკოშვილმა საწოლ ფონდის შესახებაც ისაუბრა და თქვა, რომ მიმდინარე პერიოდში, ინფექციურ საავადმყოფოში საწოლების რაოდენობის მაქსიმუმია ათვისებული.
„მიმდინარე პერიოდში, ინფექციურ საავადმყოფოში საწოლების რაოდენობის მაქსიმუმია ათვისებული. ამჟამად პაციენტებს, რომლებსაც მსუბუქი მკურნალობა აქვთ, კოვიდ სასტუმროებში გადიან მკურნალობას. მეთვალყურეობა მაღალი დონეა, როგორც სასტუმროებში, ასევე კლინიკებში“, - განაცხადა ჩოკოშვილმა.
İpn.ge
