ბიომეურნეობა „სამყურა“ მზესუმზირის ზეთის წარმოებას იწყებს.
ამის შესახებ, ,,ბიზნესპრესნიუსთან“ საუბრისას მეურნეობის მფლობელი, ნიკა ბეგალიშვილი აცხადებს.
მისი თქმით, პროდუქცია ბაზარზე აგვისტოს ბოლოდან გამოჩნდება.
,,ზეთის წარმოებას აგვისტოდან დავიწყებთ. მზესუმზირა უკვე დათესილი გვაქვს 3 ჰექტარზე და მისგან გამოვხდით მზესუმზირის ზეთს ცივი და ცხელი გამოხდის მეთოდით. სარეალიზაციოდ მექნება ორივე აგვისტოს ბოლოსთვის. გავყიდი როგორც ჩვენს გვერდზე, ონლაინ, ასევე სუპერ-მარკეტებში, სადაც ბიო პროდუქცია იყიდება. რა თქმა უნდა, ეს პროდუქტიც იქნება ბიო“ - ამბობს ,,ბიზნესპრესნიუსთან“ ნიკა ბეგალიშვილი.
ცნობისთვის, ბიო მეურნეობა „სამყურა“ ალაზნის ველზე წნორში მდებარეობს. „სამყურას“ წარმოებული პროდუქცია ბაზარზე 2018 წლიდან იყიდება.
bpn.ge
