საქართველოში მობილური ინტერნეტის ღირებულება შემცირდა. როგორც კომუნიკაციების კომისიის ანგარიშიდან ირკვევა, 2021 წლის თებერვლის მდგომარეობით, ბაზარზე ერთი გიგაბაიტი ინტერნეტის საშუალო ღირებულება 0.80 ლარია, რაც 2020 წლის ანალოგიურ პერიოდში არსებულ ფასთან - 1.45 ლართან შედარებით 45%-ით ნაკლებია.
გაზრდილის მოხმარებული ინტერნეტის ოდენობაც. თუკი 2020 წლის თებერვალში აბონენტებმა 10.3 პეტაბაიტი მობილური ინტერნეტი მოიხმარეს, 2021 წლის თებერვალში ეს მაჩვენებელი 90%-ით გაიზარდა და 19.5 პეტაბაიტი გახდა. თითო აბონენტის მიერ მობილური ინტერნეტის მოხმარება და საშუალოდ 7.2 გბ შეადგინა, რაც 2020 წლის თებერვალთან შედარებით 78%-ით მეტია.
იზრდება მობილური ინტერნეტის იმ აბონენტთა რიცხვიც, ვინც 4G მომსახურებას იყენებს. ამჟამად მობილურ ინტერნეტს 2.9 მილიონი აბონენტი მოხიმარს, რაც 2020 წელთან შედარებით 7%-ით მეტია. მთლიანობაში საქართველოში მოქმედი აქტიური SIM ბარათების 58% მობილურ ინტერნეტს მოიხმარს.
მობილურმა ოპერატორებმა თებერვალში მომხმარებლისგან 37.8 მილიონი ლარის შემოსავალი მიიღეს, რაც 2020 წლის ანალოგიურ პერიოდთან შედარებით 2.5%-ით ნაკლებია. თუკი 2020 წლის თებერვალში ქართული ოპერატორების აბონენტთა რაოდენობა იყო 4.99 მილიონი, 2021 წლის თებერვალში აბონენტთა რაოდენობაა 4.88 მილიონი.
report.ge
