მას შემდეგ, რაც ეს მოლაპარაკებები დაიწყო და უკვე მნიშვნელოვან ეტაპზე გადავიდა, არაერთხელ მითქვამს, რომ ამ ყველაფრის დასრულებისთანავე ვთვლიდი, რომ ამ თანამდებობიდან წასვლა საჭირო იქნებოდა, - ამის შესახებ პარლამენტის ყოფილმა თავმჯდომარემ, არჩილ თალაკვაძემ განაცხადა.
თალაკვაძის თქმით, მისი ადგილი დარბაზში, კოლეგების გვერდითაა და არა სპიკერის პოზიციაზე.
„საჭიროა გუნდის გაძლიერება და საჭიროა ვაჩვენოთ ამ ოპოზიციას, თუ რას ნიშნავს რეალური დემოკრატია და რას ნიშნავს ის დემოკრატიული რეფორმები, რომლებიც ამ პარლამენტში გავატარეთ. სხვათა შორის, მაშინაც ოპოზიციამ ვერ აიღო პასუხისმგებლობა თავის თავზე, გადავიდა ბოიკოტის რეჟიმში და ამ რეფორმების გატარება ჩვენ მოგვიწია. დღეს ყველა ხედავს, რომ ჩვენ მიერ გატარებული რეფორმებით გვაქვს წარმომადგენლობითი პარლამენტი“, - განაცხადა არჩილ თალაკვაძემ.
(imedi)
