წინა საბჭოზე განვიხილეთ სკოლების სტატისტიკა და თუ არ ვცდები, მხოლოდ სკოლების 10%-ში გვქონდა შემთხვევები. ეს ძალიან ფართო გავრცელება არაა, - ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ მთავრობის ადმინისტრაციაში გამართულ ბრიფინგზე განაცხადა.
„იცით, რომ ბავშვებს შედარებით იოლად გადააქვთ კორონავირუსი. წინა საბჭოზე განვიხილეთ სკოლების სტატისტიკა და თუ არ ვცდები, სკოლების მხოლოდ 10%-ში გვქონდა შემთხვევები. ეს ძალიან ფართო გავრცელება არაა. ზოგადად მიღებული წესია, რომ სკოლა და ბაღი უნდა დაიკეტოს ყველაზე ბოლოს და გაიხსნას ყველაზე ადრე. ამიტომ ვცდილობთ, შევინარჩუნოთ ის ტენდენცია, რომ სკოლები არ გადავიდნენ დისტანციურ სწავლებაზე“, - განაცხადა ამირან გამყრელიძემ.
(imedi)
