„კიდევ ერთი ვაქცინა, ჩინური წარმოების „სინოვაკი“ საქართველოში დაახლოებით აპრილის ბოლოს შემოვა. გასულ კვირაში შემოსული „სინოფარმის“ 100 ათასი დოზა ჩვენთან, დაავადებათა კონტროლის ცენტრშია დასაწყობებული. ამ ვაქცინით იმუნიზაცია დაიწყება მას შემდეგ, რაც ჯანმო გასცემს ავტორიზაციას, რაც აპრილის მეორე ნახევრისთვის იგეგმება. ის უკვე ავტორიზებულია დაახლოებით, 40 ქვეყნის მიერ“, - აცხადებს ამირან გამყრელიძე.
დღეიდან ვაქცინაციის პროცესში 55 წელს ზემოთ მოქალაქეები, დიალიზზე მყოფი პაციენტები და ორგანო გადანერგილი პირები ჩაერთვებიან. დიალიზზე მყოფთა აცრა იმ დაწესებულებებში განხორციელდება, სადაც ისინი მკურნალობენ.
(imedi)
