მიხეილ სარჯველაძე რუსი ჟურალისტის საქართველოში ჩამოსვლასთან დაკავშირებით განვითარებულ მოვლენებს გამოეხმაურა.
„ეს ნამდვილად არ არის სასიამოვნო საყურებელი. თუ ვისაუბრებთ იმასთან დაკავშირებით, რამდენად შესაძლებელია, პირადი შეხედულებები და მოსაზრებები იყოს საქართველოში შემოსვლის დამაბრკოლებელი გარემოება, ეს სხვა თემაა, მაგრამ ამჟამად, დღეს კანონში არაა აკრძალვა ქვეყანაში შემოშვებასთნ დაკავშირებით იმ შემთხვევაში, თუ კანონის ფორმალური მოთხოვნა დარღვეული არ არის“, – აღნიშნა სარჯველაძემ.
ამასთან, სარჯველაძის თქმით, რუსეთის ხელისუფლების რომელიმე თანამდებობის პირის ქმედებებს ვერავინ აკონტროლებს.
„ვერც ღარიბაშვილი და ვერც ვერავინ, სამწუხაროდ ან საბედნიეროდ ვერ აკონტროლებს იმ ქმედებებს, რასაც რუსეთის ხელისუფლების რომელიმე თანამდებობის პირი ახორციელებს. არ შეიძლება, მისი პოზიცია პრემიერ-მინისტრის ქმედებების ავკარგიანობის შეფასების მოზეზი და საფუძველი გახდეს. ეს, რა თქმა უნდა, სწორი არ იქნებოდა. რაც შეეხება განცხადებებს, რომლებიც პრემიერის მხრიდან გაკეთდა, არგუმენტირებული პოზიცია იყო წარმოდგენილი და შესაბამისად, მას ვეთანხმები. სხვა როგორ პოზიციას დაიკავებს ამასთან დაკავშირებით, მათი პრობლემა უფრო მეტად არის და ხშირ შემთხვევაში, მოტივირებულია რუსეთის არა ერთი თანამდებობის პირის მხრიდან საქართველოში დესტაბილიზაციის შემოტანის ძალიან დიდი წყურვილით. შეიძლება, ესც იგივე ოპერიდან იყოს“, – განაცხადა მიხეილ სარჯველაძემ.
1tv.ge
