მნიშვნელოვანია გავითვალისწინოთ ის ეპიდემიოლოგიური მდგომარეობა, რომელიც დღეს ქვეყანაშია და ჩვენდა სამწუხაროდ, ხშირად გვგონია, რომ ეს მონაპოვარი არ იყო დიდი შრომის ფასად და დაგვავიწყდა ის გამოვლილი პერიოდი, რომელიც გვქონდა ოქტომბერში, ნოემბერსა და დეკემბერში, - ამის შესახებ ჯანდაცვის მინისტრმა, ეკატერინე ტიკარაძემ ბრიფინგზე განაცხადა.
„აქ მნიშვნელოვანია გავითვალისწინოთ, რომ იმ კომპრომისების საფუძვლად, რომლებიც ჯანდაცვის სამინისტროს, ეპიდემიოლოგებისა და დაავადებათა კონტროლის ცენტრის მხრიდან გადაიდგა, იმის საფუძვლად, რომ ჩვენი მოქალაქეები ნაკლებად იყენებენ პირბადეს და სოციალური დისტანცია აღარ არის იმდენად მნიშვნელოვანი საზოგადოებაში, დღესდღეობით ჩვენ გვაქვს საკმაოდ მაღალი რისკი იმის, რომ ინფექციის მაჩვენებელი გაიზრდება და მნიშვნელოვანია, რომ საზოგადოებამ დღეს გაიგოს ამის შესახებ და ასევე გაიაზრონ მსოფლიოს გამოცდილება, სადაც ვაქცინაციის პროცესი დადებითად მიმდინარეობს და შესაბამისად იქ მოქალაქეები მთავრობასთან აქტიურად არიან ჩართულები ამ სირთულეების გადალახვაში“, - განაცხადა ჯანდაცვის მინისტრმა.
(imedi)
