ჯანდაცვის მინისტრი, ეკატერინე ტიკარაძე აცხადებს, რომ კორონავირუსის საწინააღმდეგო ვაქცინით საჯაროდ აიცრება. მინისტრი არ გამორიცხავს, რომ მან აცრა "ასტრაზენეკას" ვაქცინით გაიკეთოს.
„დიახ, მათ შორის ასტრაზენეკას ვაქცინით. მნიშვნელოვანია ჩვენ ყველა საჯაროდ ავიცრათ და ამ შემთხვევაში გვქონდა სტრატეგია, რომ სხვადასხვა ვაქცინით მომხდარიყო ჩვენი აცრა. გადაწყვეტილი იყო, რომ მე ავცრილიყავი ჩინური ვაქცინით, რომელზეც ასევე არაერთი მითია, თუმცა დღეს მიმდინარეობს შეჯერების პროცესი იმასთან დაკავშირებით, თუ რა სახეს მიიღებს ეს კამპანია, ვინაიდან, ის რაც იყო დაგეგმილი, შესაძლოა, დღესდღეობით არ იყოს საკმარისი იმისთვის, რომ ჩვენ მოქალაქეები დავარწმუნოთ ვაქცინის სანდოობაში. ასევე, გარკვეული ფორმატი შეიძლება იყოს შეცვლილი და ამასთან დაკავშირებით ორშაბათს მოვახსენებთ საზოგადოებას, თუ რა გადაწყვეტილებას მივიღებთ“, - განაცხადა ტიკარაძემ.
(Report)
