„მთავარია, ჩემი კოლეგა იყოს ჯანმრთელად", - ამის შესახებ ჯანდაცვის სამინისტროში გამართული შეხვედრის შემდეგ დაავადებათა კონტროლის ეროვნული ცენტრის ხელმძღვანელის მოადგილემ განაცხადა.
პაატა იმნაძის თქმით, დღეს მთავარი, იმ ექთნის ჯანმრთელობაა, რომელსაც კორონავირუსის ვაქცინით აცრის შემდეგ, სავარაუდოდ, ანაფილაქსიური შოკი განუვითარდა.
„დღეს ყველასთვის ყველაზე მთავარია, ჩემი კოლეგა იყოს ჯანმრთელად. სამწუხაროდ, ანაფილაქსიური რეაქცია თანმდევია არა მარტო ნებისმიერი წამლის ან ნებისმიერი ვაქცინის, არამედ, ფუტკრის ან ბზიკის ნაკბენის დროს. რაც შეეხება ვაქცინებს, დღეს აქ წარმოდგენილთა უმრავლესობა არის ის ხალხი, რომლებსაც ქართულ სამედიცინო საზოგადოებაში აქვთ თავისი დიდი სიტყვა ნათქვამი, ამათი უმრავლესობა აცრილი იყო, ამიტომ მე ვერ მივხვდი, ვის აქვს დაბალი ნდობა“, - განაცხადა პაატა იმნაძემ.
(report)
