"კომენდანტის საათს" ერთ-ერთი ყველაზე დიდი გავლენა აქვს სიტუაციის მართვაზე. ამიტომ, მიღებულია გადაწყვეტილება, რომ კიდევ ერთი კვირა, 10 დღე დავაკვირდეთ ეპიდვითარებას, - ამის შესახებ ჯანდაცვის ეროვნული ცენტრის ხელმძღვანელმა ამირან გამყრელიძემ საკოორდინაციო საბჭოს დასრულების შემდეგ გამართულ ბრიფინგზე განაცხადა.
გამყრელიძის თქმით, ამ ვადის გასვლის შემდეგ, საკოორდინაციო საბჭო იმსჯელებს მოიხსნას თუ არა "კომენდანტის საათი".
"კომენდანტის საათთან" დაკავშირებით იყო რამდენიმეჯერ მსჯელობა და საკოორდინაციო საბჭოს პოზიცია არის, რომ ყველაფერი მოხდეს თანდათანობით. მოგეხსენებათ, "კომენდანტის საათს" აქვს ერთ-ერთი დიდი გავლენა სიტუაციის მართვაში. ამიტომ, მიღებულია გადაწყვეტილება, რომ კიდევ ერთი კვირა, 10 დღე დავაკვირდეთ და მერე მიიღებს საკოორდინაციო საბჭო გადაწყვეტილებას", - განაცხადა გამყრელიძე.
(report)
