დღეს ნოვრუზ ბაირამის ბოლო „ჩერშენბე“ ანუ „მიწის ჩერშენბე“ აღინიშნება
InterPress.ge- ს ინფორმაციით, დღეს, 16 მარტს, ნოვრუზ ბაირამის ბოლო ჩერშენბე ანუ „მიწის ჩერშენბე“ აღინიშნება.
ამ ჩერშენბეს მოსახლეობა „ბოლო ჩერშენბეს“ ან „მიწის ჩერშენბეს“ უწოდებს. ბოლო ჩერშენბე მიწის გაღვიძებით, გაცოცხლებითაა ცნობილი. „ბოლო ჩერშენბეს“ შემდეგ მიწა უკვე სახნავ-სათესი სამუშაოებისათვის მზად ითვლება.
4 ჩერშენბეს შორის მიწის ჩერშენბე მოსახლეობის მიერ ყველაზე მასშტაბურად აღინიშნება. მისი თვისებებისა და ბაირამის დღესასწაულთან სიახლოვის გამო, ეს დღესასწაული ხალხისათვის ყველაზე გამორჩეულია.
ბოლო ჩერშენბეზე კოცონს ანთებენ, ამზადებენ ფლავს და სხვა ნაციონალურ კერძებს, სანთლებს ანთებენ და სუფრას ჯეჯილითა და ტკბილეულებით სავსე ხონჩით ალამაზებენ.
მიწის ჩერშენბეს სუფრას ფახლავა, შექერბურა, გოღალი და ბევრი ტკბილეული ალამაზებს. გოღალი მზის სინათლის, ხოლო შექერბურა მზის სხივების, სუფრაზე ტკბილეულის დადება წლის ბარაქიანად ჩავლის ნიშანია. ამას გარდა, სუფრაზე იდება კაკალი და თხილი. მწვანე ჯეჯილი წითელი ლენტით კი სუფრის მთავარ ატრიბუტსა და დეკორაციას წარმოადგენს.
ბოლო ჩერშენბეს მოსახლეობა ძირითადად საღამოს აღნიშნავს. ინთება კოცონი, ბავშვები მეზობლებთან მიდიან და ქუდს აგდებენ, სახლში ანთებენ სანთლებს, ამზადებენ ხონჩას, ღებავენ კვერცხებს და სხვადასხვა ხალხურ თამაშებს თამაშობენ.
