თენგიზ ცერცვაძე მოსახლეობის ნაწილის მხრიდან AstraZeneca-ს ვაქცინისადმი სკეპტიკურ დამოკიდებულებას გამოეხმაურა. ამ თემაზე თბილისის ინფექციური საავადმყოფოს დირექტორმა „იმედის დღეში“ ისაუბრა. მისი თქმით, ქვეყნაში არიან ანტივაქსერები, რომლებიც ნებისმიერი ვაქცინის წინააღმდეგ გამოდიან, თუმცა არიან გარკვეული ჯგუფები, რომლებიც ვაქცინის შესახებ ცრუ ინფორმაციას ავრცელებენ.
„არაჯანსაღმა ძალებმა, უსინდისო ადამიანებმა თავს უფლება მისცეს და 13 რიცხვში, როდესაც AstraZeneca-ს ვაქცინა შემოვიდა, ტელევიზიის ეთერებიდან გააჟღერეს მკრეხელური მოსაზრება, რომ ეს არის ცუდი ვაქცინა, რომ შეპირებული იყო სხვა ვაქცინის შემოტანა და შემოვიდა AstraZeneca, რომელიც იწვევს რაღაც გვერდით მოვლენებს, რის გამოც ევროპის ქვეყნები მას არ იყენებენ. პირდაპირ მოუწოდეს ექიმებს და მოსახლეობას ამ „ექსპერიმენტში“ მონაწილეობა არ მიიღონ, ვინაიდან ეს არის მთავრობის მიერ თავისი ხალხის მორიგი დაღალატება. სამწუხაროდ, იქ 2-3 ექიმიც გამოჩნდა, რომლებიც გამოვიდნენ და თქვეს, რომ ისინი უარს ამბობენ ამ ვაქცინით აცრაზე და მოუწოდებენ სხვებსაც, რომ უარი თქვან. ამაზე დიდი ტყუილი მე ბოლო პერიოდში არ მინახავს“, - განაცხადა ცერცვაძემ.
(imedi)
