სრული მზაობა მინდა დავადასტურო ჩვენი გუნდის და პარტიის სახელით, რომ ჩვენ ვიქნებით შედეგზე ორიენტირებული მხარე, რომელიც კონკრეტულ გადაწყვეტილებებს მიიღებს, - ამის შესახებ საქართველოს პრემიერ-მინისტრმა ირაკლი ღარიბაშვილმა კრისტიან დანიელსონთან შეხვედრის შემდეგ განაცხადა.
მისივე თქმით, ევროკავშირის ინტერესი ადასტურებს, რომ საქართველო ევროკავშირისთვის მნიშვნელოვანი ქვეყანაა.
,,ეს რა თქმა უნდა, არის გამოხატულება ნდობისა ჩვენი სახელმწიფოს მიმართ. ეს გვაკისრებს დიდ პასუხიმგებლობას ყველა აქტორს, როგორც ხელისუფლებას, ასევე ოპოზიციას და ჩვენ ასეთივე პათოსით, სულისკვეთებით, პასუხისმგებლობით განმსჭვალული უნდა მოვეკიდოთ აღნიშნულ საკითხს. მე მინდა სრული მზაობა დავადასტურო ჩვენი გუნდის, პარტიის სახელით, ჩვენ ვიქნებით შედეგზე ორიენტირებული მხარე, რომელიც კონკრეტულ გადაწყვეტილებებს მიიღებს და რა თქმა უნდა, ჩვენ ეს არაერთხელ გაგვიცხადებია, მათ შორის ოპოზიციასთან არაერთი შეხვედრის დროს", - განაცხადა ირაკლი ღარიბაშვილმა.
როგორც პრემიერმა აღნიშნა, მას კრისტიან დანიელსონის ჩართულობით, ოპოზიციასთან კონსტრუქციული დიალოგის იმედი აქვს.
,,ბატონი დანიელსინი არის გამოცდილი დიპლომატი. იგი ძალიან კარგად იცნობს საქართველოს და ჩვენ გვაქვს ძალიან დიდი მოლოდინი, რომ ეს პროცესი დასრულდება მოკლე დროში. იმედი მაქვს კონსტრუქციული დიალოგის, ოპოზიციის კონსტრუქციულობის", - განაცხადა ღარიბაშვილმა.
(report)
