თურქეთი და აზერბაიჯანი ყოველთვის ერთად არიან, როგორც ორმხრივი, ასევე საერთაშორისო ორგანიზაციების ფარგლებში და ჩვენ ერთმანეთს მხარს ვუჭერთ. რა თქმა უნდა, თურქეთის მიერ ყარაბაღის მეორე ომის დროს გაწეულმა დახმარებამ, როგორც მოგეხსენებათ, მთელი აზერბაიჯანელი ხალხისთვის სასიამოვნო იყო.
InterPress.ge იუწყება, რომ ამის შესახებ აზერბაიჯანის პრეზიდენტმა ილჰამ ალიევმა თურქეთის დიდი ეროვნული ასამბლეის დელეგაციის მიღებისას განაცხადა.
ქვეყნის მეთაურის თქმით ეს დახმარება ბუნებრივია: ”იმიტომ, რომ ორი ძმური ქვეყანა ყოველთვის ახლოს არის ერთმანეთთან. ჩემ ძვირფას ძმის რეჯებ თაიბ ერდოღანის პოლიტიკურმა და ზნეობრივმა მხარდაჭერამ ბევრი შთაგონება მოგვცა. ამასთან, თურქეთის დიდი ეროვნული ასამბლეის სპიკერმა მუსტაფა შენტოპმა და პარლამენტის წევრებმა გამოხატეს სოლიდარობა და მხარდაჭერა. სხვა სიტყვებით რომ ვთქვათ, ამ დღეების ომმა კიდევ ერთხელ აჩვენა, თუ რამდენად უყვართ და პატივს სცემენ ერთმანეთს. ეკონომიკური თანამშრომლობის ორგანიზაციის ბოლოდროინდელ სამიტზე, ჩემმ ძვირფასმა ძმამ, პრეზიდენტმა ძალიან ლამაზი სიტყვები თქვა აზერბაიჯანისა და ჩვენი გამარჯვების შესახებ. მოგეხსენებათ, გასული წლის ბოლოს ბაქოში ამ გამარჯვების აღსანიშნავად სამხედრო აღლუმი ჩატარდა.
პრეზიდენტმა ილჰამ ალიევმა აღნიშნა, რომ თურქული მედია და ყველა საზოგადოებრივი ორგანიზაცია დიდ დახმარებას უწევდა აზერბაიჯანს ომის დროს. ჩვენ ამას ძალიან ვაფასებთ. დღეს ჩვენს რეგიონში ახალი ვითარება და ახალი რეალობა შეიქმნა. მთიანი ყარაბაღის კონფლიქტი ისტორიაა, იგი მოგვარდა და დასრულდა. ახლა ჩვენ მომავლისკენ უნდა ვიხედოთ და ვიფიქროთ ჩვენს რეგიონში თანამშრომლობაზე, განსაკუთრებით სატრანსპორტო პროექტების განხორციელებაზე, ზანგაზურის დერეფნის გახსნა ერთ – ერთი ყველაზე მნიშვნელოვანი საკითხია. დარწმუნებული ვარ, რომ ამას ერთობლივი ძალისხმევით მივაღწევთ ”, - განაცხადა პრეზიდენტმა
