განათლების, მეცნიერების და კულტურის კომიტეტის თავმჯდომარე თეა წულუკიანი იმედს გამოთქვამს, რომ შარლ მიშელის სპეციალური წარმომადგენლის, კრისტიან დანიელსონის ჩართულობით გამართულ მოლაპარაკებებზე ოპოზიცია შეთანხმების მიღწევის რეალურ სურვილს აჩვენებს.
„იმედი მაქვს, რასაც ვფიქრობ, სიმართლე არ აღმოჩნდება და კრისტიან დანიელსონთან მოლაპარაკების მაგიდასთან ოპოზიცია თავის რეალურ ნებას აჩვენებს, მოლაპარაკებების მიზნით. ამას ძალიან ვისურვებდი, მაგრამ მგონია, რომ ოპოზიციის მიზანი მოლაპარაკებები და ამის შედეგად შეთანხმების მიღწევა არ არის. დაველოდოთ, მოვლენების განვითარებას და ვნახოთ, როგორ წავა პროცესი“, – განაცხადა წულუკიანმა.
(report)
