„შესაძლო მესამე ტალღის დასაწყისი მაინც ემთხვევა გაზაფხულის პერიოდს, უფრო თბილ ნაწილს.
ამ ვირუსს გარკვეულწილად სეზონურობა აქვს, ზაფხულში შედარებით მცირდება მისი გავრცელება, თუნდაც იმიტომ, რომ ადამიანები გარეთ უფრო დიდ დროს ატარებენ, ვიდრე შიგნით, ვენტილაცია ბუნებრივად უკეთესია,“ - აცხადებს კულუმბეგოვი.
მისი თქმით, ვირუსის გავრცელებისას ეკონომიკის გახსნის პარალელურად, მაინც უნდა დარჩეს ძალაში პირბადის ტარება.
„მგონია, რომ მესამე ტალღა არ იქნება ისეთი ძლიერი, როგორიც იყო მეორე ტალღა,“ - აღნიშნა ბიძინა კულუმბეგოვმა.
