”საქართველოსა და რუსეთს შორის პირდაპირი ფრენების განახლების საკითხი მოუგვარელი რჩება”.
InterPress.ge იუწყება, რომ ამის შესახებ რუსმა სენატორმა გრიგორი კარასინმა TASS- თან ინტერვიუში განაცხადა.
მისივე თქმით, ფრენების განახლება ასევე კორონავირუსის პანდემიაზეაა
დამოკიდებული.
”საქართველო ყოველთვის მზად იყო რუსეთის მოქალაქეების მისაღებად. ამასთან, აუცილებელია ფრენის განახლებისთვის აუცილებელი პირობების შექმნა. საქართველოში ჩამოსული ჩვენი მოქალაქეები თავს დაცულად უნდა გრძნობდნენ. ახლა ამ საკითხს სამედიცინო და ჯანმრთელობის დაცვაც დაემატა”- თქვა კარასინმა.
შეგახსენებთ, რომ რუსეთმა 2019 წლის 8 ივლისს პირდაპირი ფრენები საქართველოსთან შეაჩერა. საქართველომ კი რუსეთის მოქალაქეებისთვის საჰაერო საზღვრები 1 მარტიდან გახსნა. (რეპორტი)
