გორში, ”ერთიანი ნაციონალური მოძრაობის” ოფისის დაზიანების ფაქტზე კიდევ ერთი პირი - 1996 წელს დაბადებული თ.ა. დააკავეს. მას ბრალი სხვისი ნივთის დაზიანებაში ედება.
როგორც შინაგან საქმეთა სამინისტროდან აცნობეს, დანაშაული 3 წლამდე ვადით თავისუფლების აღკვეთას ითვალისწინებს.
მათივე ინფორმაციით, გამოძიებით დადგინდა, რომ ბრალდებულმა, თანამზრახველებთან ერთად, გორში პოლიტიკური პარტია „ერთიანი ნაციონალური მოძრაობის“ ოფისის მინები დააზიანა.
„გამოძიება საქართველოს სისხლის სამართლის კოდექსის 187-ე მუხლის პირველი ნაწილით მიმდინარეობს”, - აღნიშნავენ უწყებაში.
(ipn)
.jpg)