საგზაო მოძრაობის უსაფრთხოების განმტკიცების მიზნით, კახეთის რეგიონში, ახმეტის მუნიციპალიტეტის ტერიტორიაზე, საავტომობილო სიჩქარის კონტროლის ოთხი სექცია ამოქმედდა. ამის შესახებ ინფორმაციას შს სამინისტროს პრესსამსახური ავრცელებს.
„ოთხი სექცია ამოქმედდა, პირველი - ახმეტის მუნიციპალიტეტი - სოფელ მატნიდან სოფელ დუისამდე (ნებადართული სიჩქარეა 80 კმ/სთ); მეორე, ახმეტის მუნიციპალიტეტი - სოფელ დუისიდან სოფელ ჯოყოლომდე (ნებადართული სიჩქარეა 60 კმ/სთ); მესამე, ახმეტის მუნიციპალიტეტი - სოფელ ჯოყოლოდან სოფელ დუისამდე (ნებადართული სიჩქარეა 60 კმ/სთ); მეოთხე, ახმეტის მუნიციპალიტეტი - სოფელ დუისიდან სოფელ მატნამდე (ნებადართული სიჩქარეა 80 კმ/სთ)“, - აღნიშნულია ინფორმაციაში.
(ipn)
