„ნაციონალური მოძრაობის“ წევრის, ხატია დეკანოიძის განცხადებით, ხვალ, 26 თებერვალს დაგეგმილ აქციაზე ოპოზიციონერი ლიდერები თავიანთ სამომავლო გეგმებს გააჟღერებენ.
დეკანოიძის თქმით, ხვალ დაანონსებული აქცია არის მსვლელობა თავისუფლებისთვის.
„გავიარეთ ყველა დეტალი, ზოგადი კონცეფციური ნაწილი და ტექნიკური დეტალები. ხვალ, 13:00 საათზე, ფილრმონიასთან ვიკრიბებით ყველა და მსვლელობით მივდივართ რუსთაველზე. ეს არის მსვლელობა თავისუფლებისთვის იმ ძალიან მძიმე სიტუაციის გათვალისწინებით, რომელშიც დღეს ქვეყანა იმყოფება. ეს იყო მთავარი საკითხები ოპოზიციის შეხვედრის და ასევე, მთავარი საკითხები იყო სამომავლო გეგმები. ჩვენ ხვალ აქციაზე გავაჟღერებთ კოორდინირებული ოპოზიციის მოქმედებას. სამომავლო გეგმები ეხება მათ შორის ფართომასშტაბიან აქციებს“, - განაცხადა დეკანოიძემ.
(ipn)
