რა თქმა უნდა, პირობა ძალაში რჩება - თუ ვინმე იპოვის „ქართული ოცნების“ სასარგებლოდ, 1%-იან სიყალბესა და გადახრას საარჩევნო შედეგებში, ჩვენ ვატარებთ რიგგარეშე არჩევნებს, - ამის შესახებ ფრაქცია „ქართული ოცნების“ თავმჯდომარემ, მამუკა მდინარაძემ პარლამენტში გამართულ ბრიფინგზე განაცხადა.
„ძალაში რჩება პირობა – თუ ერთ პროცენტიან სიყალბეს და გადახრას „ქართული ოცნების“ სასარგებლოდ გამოძიების შედეგად ვინმე იპოვნის საარჩევნო შედეგებში, ჩვენ ვატარებთ რიგგარეშე არჩევნებს. ერთადერთი, რაც ამის საპირისპიროდ ოპოზიციიდან არგუმენტად ფრაგმენტულად გვესმის ხოლმე, არის ყოველგვარ საღ აზრს მოკლებული და გაუგონარი ვერსია, რომლის მიხედვითაც – უკვე გვიანია. საუბრობენ იმაზე, რომ „დოკუმენტები უკვე გასწორებულია“ და ა.აშ. შეუძლებელია ამაზე განმარტება არ მოვითხოვოთ მათგან“, – განაცხადა მდინარაძემ.
მამუკა მდინარაძის განცხადებით, საქართველოს პარლამენტში დარეგისტრირდა დადგენილება 2020 წლის 31 ოქტომბრის საპარლამენტო არჩევნების შემსწავლელი დროებითი საგამოძიებო კომისიის შექმნის შესახებ.
(PIA.ge)
