„განათლების სამინისტროს მაღალი ინტერესია, რომ მოსწავლეები საკლასო ოთახებს დაუბრუნდნენ, თუმცა ამ შემთხვევაში უწყება დამოუკიდებლად ვერ მიიღებს გადაწყვეტილებას - ეს დამოკიდებულია არსებულ ეპიდსიტუაციაზე“, - განაცხადა განათლების მინისტრის მოადგილე ეკატერინე დგებუაძემ გადაცემაში „დღის ქრონიკა“.
მისი თქმით, მოლოდინი და მზაობა არსებობს, არის ყოველდღიური კომუნიკაცია საგანმანათლებლო რესურც ცენტრებთან ყველა მუნიციპალიტეტში და უწყება ფლობს ინფორმაციას, როგორი სიტუაციაა თითოეულ სკოლაში. ეს ეხება იმასაც, თუ რა ღონისძიებები უნდა გაატაროს სკოლამ, სწავლის განახლების შემთხვევაში და როგორ დახვდეს მოსწავლეს.
„დღეს თუ მიიღებს საკოორდინაციო საბჭო შესაბამის გადაწყვეტილებას, განათლების სამინისტრო თითოეულ სკოლასთან ერთად მზადაა, საკლასო ოთახის კარი გაუღოს მოსწავლეს“, - აღნიშნა ეკატერინე დგებუაძემ.
(imedi)
