”ამიერიდან დევნილთა სახლები აშენდება მხოლოდ გათავისუფლებულ მიწებზე. ზოგიერთი პროექტი მიმდინარეობს, ზოგი პროექტი დასრულების პროცესშია. ახლა აშენებულია სახლები ფიზულში, ჰორადიზსა და კიდევ ერთ სოფელში, რომლებიც, რა თქმა უნდა, დევნილებს გადაეცემათ.
InterPress.ge იუწყება, რომ ამის შესახებ აზერბაიჯანის პრეზიდენტმა ილჰამ ალიევმა 6 იანვარს 2020 წლის შედეგებზე ვიდეო კონფერენციის დროს განაცხადა.
”თუმცა, აღარ უნდა აშენდეს დევნილთა სახლები ბაქოში, განჯაში, სუმგაიტში, მინგაჩევირში და სხვაგან. დევნილთა, ანუ ყოფილი დევნილების სახლები აშენდება მხოლოდ გათავისუფლებულ მიწებზე და ამას გავაკეთებთ სპეციალური პროგრამის საფუძველზე. ეს ყველამ უნდა იცოდეს და მე მსურს, რომ, იცოდეს. ეს არის ძალიან სამართლიანი მიდგომა ”, - აღინიშნა მან.
