პარლამენტმა „პატრიოტთა ალიანსის“ სამ წევრს სადეპუტატო უფლებამოსილება შეუწყვიტა.
კენჭისყრა რამდენიმე წუთის წინ ჩატარდა. სხდომას მხოლოდ „ქართული ოცნების“ წევრები ესწრებოდნენ.
კენჭისყრის შედეგად, ირმა ინაშვილისთვის პარლამენტის წევრის ვადამდე შეწყვეტის თაობაზე საკითხს მხარი 80-მა დეპუტატმა დაუჭირა, გიორგი ლომიასთვის დეპუტატის უფლებამოსილების შეწყვეტას დაეთანხმა 79 დეპუტატი, გოჩა თევდორაძისთვის სადეპუტატო უფლებამოსილების ვადამდე შეწყვეტას მხარი დაუჭირა 78-მა დეპუტატმა.
პროცედურის შესაბამისად, ცესკო-მ უნდა წარუდგნოს პარლამენტს ამ დეპუტატების ადგილმონაცვლე წევრების თაობაზე ინფორმაცია.
(1tv)
