—

ვითარება გართულდა, ამიტომ დღეს ან ხვალ შეზღუდვები აუცილებლად გამოცხადდება – ლევან გოფოძე

20
ვითარება გართულდა, ამიტომ დღეს ან ხვალ შეზღუდვები აუცილებლად გამოცხადდება – ლევან გოფოძე
მოსასმენად დააჭირეთ

კორონავირუსის მომატებული შემთხვევების გამო, საქართველო „ ლოქდაუნის “ გამოცხადებისთვის ემზადება. ქვეყანაში, სავარაუდოდ, შეიზღუდება საზოგადოებრივი ტრანსპორტის მოძრაობა და დაიხურება დიდი სავაჭრო ცენტრები.

კორონავირუსის მომატებული შემთხვევების გამო, საქართველო „ლოქდაუნის“ გამოცხადებისთვის ემზადება. ქვეყანაში, სავარაუდოდ, შეიზღუდება საზოგადოებრივი ტრანსპორტის მოძრაობა და დაიხურება დიდი სავაჭრო ცენტრები.

რესპუბლიკური საავადმყოფოს დირექტორი ლევან გოფოძე „პრაიმტაიმთან“ საუბრისას აცხადებს, რომ ჯანდაცვის სისტემა ვირუსის მომატებულ შემთხვევებს ვეღარ გაუძლებს.

მისი თქმით, ვირუსის გავრცელების პრევენციის მიზნით, რეგულაციები დღეს ან ხვალ დაწესდება.

ლევან გოფოძე: საქართველოში კორონავირუსის საკმაოდ მაღალი მაჩვენებელი ფიქსირდება. არსებული ვითარება ნამდვილად რთულია, კლინიკებში ადგილების რაოდენობა ჭირს. აქედან გამომდინარე, ვიდრე უფრო მკაცრი ზომები იქნება მიღებული, ყველამ მაქსიმალურად უნდა ეცადოს, რომ ხალხმრავალ ადგილებს მოერიდოს.

რეგულაციები აუცილებლად უნდა შეეხოს ხალხმრავალი ადგილების შეზღუდვას, მათ შორის, ტრანსპორტს. მთელ მსოფლიოში უკვე ყველა ქვეყანა „ლოქდაუნს“ აცხადებს. ვითარება გართულდა, ამიტომ ალბათ, საქართველოში დღეს ან ხვალ შეზღუდვები აუცილებლად გამოცხადდება.

კითხვაზე, არის თუ არა დაგვიანებული საქართველოში რეგულაციების გამკაცრება, გოფოძე გვპასუხობს:

„ამას ვერ ვიტყვით, ქვეყანაში არჩევნები იყო. შემიძლია გითხრათ ის, რომ ვირუსის შემთხვევები ძალიან გაიზარდა და სამომავლოდ მოიმატებს ტესტების რაოდენობაც. ამ ყველაფრის ფონზე, ვირუსის შემთხვევათა რაოდენობა კიდევ უფრო გაიზრდება.

რამდენ ხანს უნდა დაწესდეს ქვეყანაში“ლოქდაუნი“, ამას ეპიდსიტუაცია აჩვენებს, „ლოქდაუნისთვის“ საჭირო იქნება სულ ცოტა ორი კვირა. გახანგრძლივდება თუ არა „ლოქდაუნის“ დრო, ეს ეპიდსიტუაციაზე იქნება დამოკიდებული“,- განაცხადა გოფოძემ.

ინფორმაციისთვის, საქართველოში კორონავირუსის შემთხვევათა რაოდენობა ყოველდღიურად იზრდება. ჩვენი ქვეყანა ვირუსის გავრცელების ტემპით სამ მეზობელ ქვეყანას: სომხეთს, აზერბაიჯანსა და თურქეთს უსწრებს.

შეაფასეთ
სტატიის ავტორიხუმაია მამედოვი

სიახლეები

თბილისში მომხდარ ტრაგედიასთან დაკავშირებით პირველი სამძიმარი აზერბაიჯანიდან – აზერბაიჯანის საგარეო საქმეთა სამინისტრო სამძიმარს აცხადებსმიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესყველა სიახლე →