—

თენგიზ ცერცვაძე - თუ ლოკდაუნი არ გვინდა, მაშინ შევასრულოთ ელემენტარული რეგულაციები

14
თენგიზ ცერცვაძე - თუ ლოკდაუნი არ გვინდა, მაშინ შევასრულოთ ელემენტარული რეგულაციები
მოსასმენად დააჭირეთ

თბილისის ინფექციური საავადმყოფოს დირექტორის, თენგიზ ცერცვაძის განცხადებით, მთავრობამ გაითვალისწინა ეკონომიკის ინტერესები, ხალხის სურვილი, ასევე ის, რომ ჩრდილი არ მიადგეს საარჩევნო პროცესს და ლოკდაუნი არ გამოაცხადა.

ცერცვაძის თქმით, კლინიკური სექტორი ჯერჯერობით ინარჩუნებს იმის უნარს, რომ პაციენტების გაზრდილ რაოდენობას გაუმკლავდეს, თუმცა კლინიკური სექტორის შესაძლებლობების გამოცდა უსასრულოდ არ შეიძლება.

ამიტომ, ცერცვაძე მიმართავს მოქალაქეებს, თუ არ სურთ ლოკდაუნის გამოცხადება, ელემენტარული რეგულაციები დაიცვან.

„ჩვენ გავითვალისწინეთ ქვეყნის ინტერესები, ეკონომიკის ინტერესები, რომ არ მოხდეს რეცესია, ხალხის სურვილი, რომ არ შეუქმნას დისკომფორტი ლოკდაუნმა და საარჩევნო პროცესი, რომ ჩრდილი არ მიადგეს. ვთქვათ, ყველას გვქონდეს გამოხატვის თავისუფლება, ლოკდაუნზე არ წავიდა ჩვენი მთავრობა, ჯერჯერობით მაინც ინარჩუნებს კლინიკური სექტორი იმის უნარს, რომ გაუმკლავდეს პაციენტების გაზრდილ რაოდენობას, მაგრამ არ შეიძლება უსასრულოდ კლინიკური სექტორის შესაძლებლობების გამოცდა. ამიტომ მინდა, მივმართო ჩვენს პატივცემულ მოსახლეობას, რომ თუ ლოკდაუნი არ გვინდა და არავის გვინდა, მაშინ უნდა შევასრულოთ ის ელემენტარული რეგულაციები, რომელიც გაწერილია – პირბადე ღია და დახურულ სივრცეში, სოციალური დისტანცირება, ხალხმრავალი შეკრებებიდან შეძლებისდაგვარად თავის არიდება და ხელების ჰიგიენა“, – განაცხადა თენგიზ ცერცვაძემ „იმედის“ ეთერში.

შეაფასეთ
სტატიის ავტორიInterPress

სიახლეები

საქართველოს საპატრიარქოს დელეგაცია მოსკოვში იმყოფებაევროკავშირის წარმომადგენლობა საქართველოში ფონიჭალაში მომხდარი აფეთქების გამო მწუხარებას გამოთქვამსმთავრობის განკარგულებით, 2026 წლის 22 ნოემბერი გლოვის დღედ გამოცხადდათბილისში მომხდარ ტრაგედიასთან დაკავშირებით პირველი სამძიმარი აზერბაიჯანიდან – აზერბაიჯანის საგარეო საქმეთა სამინისტრო სამძიმარს აცხადებსმიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსყველა სიახლე →