—

Tbilisidə Zəfər Gününə həsr olunmuş “Cənubi Qafqazda Sülh və Əməkdaşlıq” konfransı keçirilib- FOTO

236
Tbilisidə Zəfər Gününə həsr olunmuş “Cənubi Qafqazda Sülh və Əməkdaşlıq” konfransı keçirilib- FOTO
Dinləmək üçün basın

8 noyabr 2026-cı il tarixində Tbilisi şəhərində, “Hilton Garden Inn” otelində Gürcüstan Azərbaycanlı Tələbələr Birliyinin (GASU) təşkilatçılığı ilə Zəfər Gününə həsr olunmuş “Cənubi Qafqazda Sülh və Əməkdaşlıq” adlı…

8 noyabr 2026-cı il tarixində Tbilisi şəhərində, “Hilton Garden Inn” otelində Gürcüstan Azərbaycanlı Tələbələr Birliyinin (GASU) təşkilatçılığı ilə Zəfər Gününə həsr olunmuş “Cənubi Qafqazda Sülh və Əməkdaşlıq” adlı konfrans keçirilib.

Tədbirin əsas məqsədi 8 Noyabr – Zəfər Gününün tarixi əhəmiyyətini vurğulamaq, 44 günlük Vətən müharibəsindən sonra Cənubi Qafqazda baş verən siyasi və geosiyasi dəyişiklikləri, regional əməkdaşlıq imkanlarını, sülh və təhlükəsizlik perspektivlərini müzakirə etmək olub.

Konfransın açılışında Gürcüstan Azərbaycanlı Tələbələr Birliyinin sədri Aytəkin Allahverdiyeva çıxış edib. Daha sonra “İnkişaf və Təhsil Mərkəzi”nin direktoru Emin Əhmədov iştirakçıları salamlayaraq tədbirin əhəmiyyətindən danışıb.

Konfransın moderatoru Emil Allahverdiyev olub.

Tədbir çərçivəsində iştirakçılar müxtəlif mövzular üzrə məruzələrlə çıxış ediblər:

Elminaz Osmanova – 8 Noyabr Zəfər Gününün tarixi əhəmiyyəti;

Sara İskəndərova – 44 günlük müharibə və onun regional siyasi nəticələri;

Elpinar Musayeva – Qarabağ münaqişəsindən sonrakı dövrdə sülh perspektivləri;

Aysel Hacıyeva – Gürcüstan–Azərbaycan strateji tərəfdaşlığı;

Nigar Məmmədova – Cənubi Qafqazda regional əməkdaşlıq və təhlükəsizlik;

Aylin Hümbətova – Regional nəqliyyat və enerji layihələrinin əhəmiyyəti;

Bağda Əliyeva – Gənclər və yeni diplomatiya: regionun gələcəyində bizim rolumuz;

Renat Məmmədov – Zəfərdən sonra Cənubi Qafqaz: nə dəyişdi, nə dəyişəcək?

Zeynəb Nurmamedova – Z nəslinin münaqişə yaddaşı və sülh gözləntisi.

Konfrans çərçivəsində fəallıqları, təşəbbüskarlıqları və tədbirə verdikləri töhfəyə görə Elminaz Osmanova, Bağda Əliyeva, Renat Məmmədov, Aylin Hümbətova, Sara İsgəndərova və Zeynəb Nurmamedova diplomlarla təltif olunublar.

Tədbir zamanı aktual məsələlər ətrafında fikir mübadiləsi aparılıb, gənclərin regional proseslərdə iştirakı, sülh və əməkdaşlığın gələcək perspektivləri müzakirə edilib.

Konfransın sonunda iştirakçılarla xatirə fotosu çəkdirilib.

Xəbəri qiymətləndir
Məqalənin müəllifiInterPress

Son xəbərlər

Azərbaycanın Gürcüstandakı səfirliyi Tbilisidə baş vermiş partlayışla bağlı başsağlığı veribPoniçalada baş verən partlayışda ölənlərin sayı artıbKaxa Kaladze Poniçaladakı hadisə ilə bağlı: Binanın yalnız iki girişində problem var, qalan hissəsi yaşayış üçün yararlıdırPoniçalada xilasedicilər dağıntılar altından azyaşlı uşağı sağ çıxarıblarGia Abaşidze: “Xilasedicilər dağıntılar altında insanları axtararkən, ailələr yaxınlarının taleyi barədə xəbər gözləyir, ‘vətənsiz’ ‘millilər’ isə bu faciədən öz 28 noyabr biabırçı yürüşlərinin reklamSon xəbərlərə bax →