—

პარლამენტის ეკონომიკურ საკითხთა კომიტეტმა მხარი დაუჭირა საკანონმდებლო პაკეტს, რომლის ერთ-ერთი სიახლეა ის, რომ მიკრობანკებისთვის სესხის მხოლოდ ეროვნულ ვალუტაში გაცემის შეზღუდვა უქმდება

61
პარლამენტის ეკონომიკურ საკითხთა კომიტეტმა მხარი დაუჭირა საკანონმდებლო პაკეტს, რომლის ერთ-ერთი სიახლეა ის, რომ მიკრობანკებისთვის სესხის მხოლოდ ეროვნულ ვალუტაში გაცემის შეზღუდვა უქმდება
მოსასმენად დააჭირეთ

პარლამენტის ეკონომიკურ საკითხთა კომიტეტმა მხარი დაუჭირა საკანონმდებლო პაკეტს, რომლის ერთ-ერთი სიახლეა ის, რომ მიკრობანკებისთვის სესხის მხოლოდ ეროვნულ ვალუტაში გაცემის შეზღუდვა უქმდება. პროექტი ასევე ითვალისწინებს ერთ…

პარლამენტის ეკონომიკურ საკითხთა კომიტეტმა მხარი დაუჭირა საკანონმდებლო პაკეტს, რომლის ერთ-ერთი სიახლეა ის, რომ მიკრობანკებისთვის სესხის მხოლოდ ეროვნულ ვალუტაში გაცემის შეზღუდვა უქმდება. პროექტი ასევე ითვალისწინებს ერთ მსესხებელზე ან ურთიერთდაკავშირებულ მსესხებელთა ჯგუფზე გაცემული კრედიტებისა და სხვა ვალდებულებების მაქსიმალური ჯამური ოდენობის 1 მილიონი ლარიდან 2 მილიონ ლარამდე გაზრდას.

„ქართული ოცნების“ დეპუტატების ინიციატივით ცვლილებები „კომერციული ბანკების საქმიანობის შესახებ“ და „მიკრობანკების საქმიანობის შესახებ“ კანონებში ხორციელდება. უმრავლესობის საკანონმდებლო პაკეტს ეკონომიკურ საკითხთა კომიტეტის გარდა, დღეს პარლამენტის საფინანსო-საბიუჯეტო კომიტეტიც განიხილავს, რის შემდეგაც საკითხი განსახილველად სესიაზე გავა.

ინიციატორთა განმარტებით, მიკრობანკების მიერ სესხის მხოლოდ ეროვნული ვალუტით გაცემის შეზღუდვის გაუქმება მათ უფრო კონკურენტუნარიანს გახდის. ამასთან, როგორც კომიტეტის სხდომაზე ითქვა, ცვლილების შემთხვევაში, მიკრობანკები იმავე რეგულირებას დაექვემდებარებიან, რაც დადგენილია სესხის გამცემი ორგანიზაციების მიერ ეროვნულ და უცხოურ ვალუტაში გაცემული სესხების/საბანკო კრედიტების მიმართ.

„მიკრობანკების მიერ მოზიდული სახსრები ძირითადად უცხოურ ვალუტაშია დენომინირებული, ხოლო სესხების გაცემის უფლება მხოლოდ ეროვნულ ვალუტაში აქვთ, მიკრობანკები მნიშვნელოვნად არიან დამოკიდებულნი ჰეჯირების ინსტრუმენტებსა და მათ განაკვეთებზე, რომელთა მიმწოდებლებიც ძირითადად კომერციული ბანკები არიან. ეს თავის მხრივ, უარყოფითად აისახება საკრედიტო პროდუქტების ფასზე/პროცენტზე.

კანონპროექტით გათვალისწინებული ცვლილებით კი მიკრობანკები შეძლებენ მოზიდული უცხოური ვალუტის სესხად გაცემას უცხოურ ვალუტაშივე, რაც სავარაუდოდ, ერთი მხრივ, შეამცირებს მიკრობანკების სავალუტო რისკებს, ხოლო მეორე მხრივ, მიკრობანკებს უფრო კონკურენტუნარიანს გახდის, მათ შორის, საკრედიტო პროდუქტების ფასის/პროცენტის ნაწილში“, - ნათქვამია პროექტის განმარტებით ბარათში.

პროექტის ავტორი და ინიციატორი არიან „ქართული ოცნების“ დეპუტატები: შოთა ბერეკაშვილი, პაატა კვიჟინაძე, გიორგი ბარვენაშვილი, ლევან მაჭავარიანი, თორნიკე ბერეკაშვილი და ანტონ ობოლაშვილი.

შეაფასეთ
სტატიის ავტორიInterPress

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →