Marneuli-Tbilisi yolunda ağır yol-nəqliyyat hadisəsi baş verib. Qəza nəticəsində BMW markalı avtomobil yük maşını ilə toqquşub.
InterPress.ge xəbər verir ki, toqquşma nəticəsində BMW markalı avtomobilin sürücüsü müxtəlif dərəcəli bədən xəsarətləri alıb.
Hadisə yerinə cəlb olunan polis əməkdaşları sürücüyə vaxtında ilkin müdaxilə edərək onun həyatını xilas edib. Daha sonra xəsarət alan sürücü təcili tibbi yardım briqadası tərəfindən xəstəxanaya çatdırılıb.
Hadisə yerinə əlavə olaraq xilasedicilər də cəlb olunub.


