—

Konstitusiya Məhkəməsində 5 siyasi partiyanın qadağan olunması ilə bağlı iddiaya baxılması davam etdiriləcək

244
Konstitusiya Məhkəməsində 5 siyasi partiyanın qadağan olunması ilə bağlı iddiaya baxılması davam etdiriləcək
Dinləmək üçün basın

Gürcüstan Konstitusiya Məhkəməsində 5 siyasi partiyanın konstitusiyaya zidd elan edilməsi ilə bağlı “Gürcü Arzusu”nun 88 deputatının iddiasına baxılması bu gün saat 14:00-da bərpa olunacaq.

Gürcüstan Konstitusiya Məhkəməsində 5 siyasi partiyanın konstitusiyaya zidd elan edilməsi ilə bağlı “Gürcü Arzusu”nun 88 deputatının iddiasına baxılması bu gün saat 14:00-da bərpa olunacaq.

InterPress.ge xəbər verir ki, Konstitusiya Məhkəməsinin sədri Revaz Nadaraianın qərarına əsasən, plenum bu gün “Gaxaria Gürcüstan üçün” partiyasının vəsatəti ilə bağlı qərarını açıqlayacaq. Vəsatət Bidzina İvanişvili də daxil olmaqla, bir sıra siyasi şəxslərin, o cümlədən “Gürcü Arzusu”nun hazırkı və keçmiş liderlərinin şahid qismində dindirilməsi ilə bağlıdır. Qərar elan edildikdən sonra proses işə mahiyyəti üzrə baxılması mərhələsinə keçəcək.

Məlumat üçün bildirək ki, Konstitusiya Məhkəməsində iddiaya baxılması oktyabrın 21-də başlayıb. İndiyədək məhkəmə müxalifət partiyalarının nümayəndələrinin heç bir vəsatətini təmin etməyib. İşə Konstitusiya Məhkəməsinin yeddi hakimdən ibarət plenumu baxır.

Konstitusiya Məhkəməsinə təqdim edilmiş iddianı parlamentin 88 deputatı imzalayıb. İddia əsasında aşağıdakı beş siyasi birliyin konstitusiyaya zidd elan edilməsi məsələsinə baxılır:

  • “Birlik – Milli Hərəkat”;

  • “Dəyişikliklər üçün Koalisiya – Qvaramia, Melia, Girçi, Droa”;

  • “Güclü Gürcüstan – Lelo, Xalq üçün, Azadlıq üçün!”;

  • “Federalistlər Partiyası”;

  • “Gaxaria Gürcüstan üçün” partiyası.

Konstitusiya iddiasına parlamentin XI çağırışında yaradılmış müvəqqəti istintaq komissiyasının rəyi də əlavə olunub.

Xəbəri qiymətləndir
Məqalənin müəllifiInterPress

Son xəbərlər

Azərbaycanın Gürcüstandakı səfirliyi Tbilisidə baş vermiş partlayışla bağlı başsağlığı veribPoniçalada baş verən partlayışda ölənlərin sayı artıbKaxa Kaladze Poniçaladakı hadisə ilə bağlı: Binanın yalnız iki girişində problem var, qalan hissəsi yaşayış üçün yararlıdırPoniçalada xilasedicilər dağıntılar altından azyaşlı uşağı sağ çıxarıblarGia Abaşidze: “Xilasedicilər dağıntılar altında insanları axtararkən, ailələr yaxınlarının taleyi barədə xəbər gözləyir, ‘vətənsiz’ ‘millilər’ isə bu faciədən öz 28 noyabr biabırçı yürüşlərinin reklamSon xəbərlərə bax →