—

İrakli Kobaxidze Rusiya ilə münasibətlər üzrə xüsusi nümayəndə təyin etdi

249
İrakli Kobaxidze Rusiya ilə münasibətlər üzrə xüsusi nümayəndə təyin etdi
Dinləmək üçün basın

Giorgi Zurabaşvili Gürcüstanın Baş nazirinin Rusiya ilə münasibətlər üzrə xüsusi nümayəndəsi təyin olunub.

Giorgi Zurabaşvili Gürcüstanın Baş nazirinin Rusiya ilə münasibətlər üzrə xüsusi nümayəndəsi təyin olunub.

InterPress.ge xəbər verir ki, bu barədə Gürcüstanın Baş naziri İrakli Kobaxidze hökumət administrasiyasında keçirilən brifinqdə bildirib.

Kobaxidzenin sözlərinə görə, Rusiya ilə münaqişənin sülh yolu ilə həlli, mövcud ticarət-iqtisadi münasibətlərin inkişaf etdirilməsi və humanitar məsələlər üzrə dialoqun aparılması Gürcüstan üçün əsas prioritetlərdən biridir.

“Rusiya Federasiyası ilə münaqişənin sülh yolu ilə həlli, mövcud ticarət-iqtisadi münasibətlərin qorunub saxlanılması və inkişaf etdirilməsi, eləcə də humanitar məsələlər üzrə daimi dialoqun aparılması ölkəmizin ən mühüm prioritetlərindəndir.

Gürcüstan və Rusiya Federasiyası arasında diplomatik münasibətlərin olmadığı şəraitdə, Cenevrə formatı ilə yanaşı, Baş nazirin xüsusi nümayəndəsi vəzifəsi bu vəzifələrin yerinə yetirilməsində mühüm əhəmiyyət daşıyır.

Cənab Giorgi Zurabaşvili çox təcrübəli diplomatdır. O, illər ərzində dövlət qulluğunda müxtəlif yüksək vəzifələr tutub. Xarici İşlər Nazirliyində müxtəlif departamentlərin direktoru, həmçinin fövqəladə və səlahiyyətli səfir vəzifələrində çalışıb. 2024-cü ildə Gürcüstanın xarici işlər nazirinin müavini, 2025-ci il iyulun 1-də isə nazirin birinci müavini təyin edilib.

Əminik ki, cənab Giorgi Zurabaşvili bilik və təcrübəsi sayəsində Baş nazirin xüsusi nümayəndəsi qarşısında qoyulan vəzifələri ən yaxşı şəkildə yerinə yetirəcək”, – deyə İrakli Kobaxidze bildirib.

Xəbəri qiymətləndir
Məqalənin müəllifiInterPress

Son xəbərlər

Azərbaycanın Gürcüstandakı səfirliyi Tbilisidə baş vermiş partlayışla bağlı başsağlığı veribPoniçalada baş verən partlayışda ölənlərin sayı artıbKaxa Kaladze Poniçaladakı hadisə ilə bağlı: Binanın yalnız iki girişində problem var, qalan hissəsi yaşayış üçün yararlıdırPoniçalada xilasedicilər dağıntılar altından azyaşlı uşağı sağ çıxarıblarGia Abaşidze: “Xilasedicilər dağıntılar altında insanları axtararkən, ailələr yaxınlarının taleyi barədə xəbər gözləyir, ‘vətənsiz’ ‘millilər’ isə bu faciədən öz 28 noyabr biabırçı yürüşlərinin reklamSon xəbərlərə bax →