—

Tengiz Şarmanşvili Nika Qvaramianı tənqid edib: Onun açıqlaması hər şeyi göstərir

401
Tengiz Şarmanşvili Nika Qvaramianı tənqid edib: Onun açıqlaması hər şeyi göstərir
Dinləmək üçün basın

Parlament çoxluğunun üzvü Tengiz Şarmanşvili müxalifət liderlərindən biri Nika Qvaramianın Ukraynanın bərpası üçün ayrılacaq vəsaitlərlə bağlı səsləndirdiyi fikirlərə sərt münasibət bildirib.

Parlament çoxluğunun üzvü Tengiz Şarmanşvili müxalifət liderlərindən biri Nika Qvaramianın Ukraynanın bərpası üçün ayrılacaq vəsaitlərlə bağlı səsləndirdiyi fikirlərə sərt münasibət bildirib.

InterPress.ge xəbər verir ki, Şarmanşvili bu barədə sosial şəbəkədə paylaşım edib.

Deputatın sözlərinə görə, Qvaramianın açıqlaması müxalifətin niyyətini açıq şəkildə ortaya qoyur.

"Sizə deyirəm, bunları ifşa etmək üçün heç nə etmək lazım deyil. İndi nə dedi? Bildirdi ki, Gürcüstanı həmin böyük vəsaitlərə yaxın buraxmayacaqlar, çünki ölkə dağılmayıb. Görəsən, özü dediyinin fərqindədirmi?" – deyə Şarmanşvili yazıb.

Onun fikrincə, bu bəyanatdan belə nəticə çıxır ki, müxalifət Gürcüstanın müharibəyə cəlb olunmasını, ölkənin dağılmasını, yaranacaq xaos fonunda hakimiyyətə gəlməyi və sonradan dağıntıların bərpası üçün ayrılacaq iri maliyyə vəsaitlərinə çıxış əldə etməyi istəyir.

"Hələ də onların Gürcüstanı müharibəyə sürükləmək istədiyinə dair suallar qalırmı? Onlar dağılmış Gürcüstan, xaos şəraitində qanunsuz şəkildə hakimiyyətə gəlmək və daha sonra dağıdılmış ölkənin bərpası üçün ayrılacaq böyük vəsaitləri idarə etmək istəyirlər. Hətta deyirlər ki, milli dövlətlərin dövrü başa çatır. Öz himayədarları onlara nə versə, bununla kifayətlənəcəklər. Artıq övladlarına ana dillərini belə öyrətmirlər. Onların Gürcüstana və gürcü xalqına bu qədər nifrət etmələrinin səbəbini bilmirəm", – deyə Tengiz Şarmanşvili bildirib.

Qeyd edək ki, Nika Qvaramia daha əvvəl Ukraynanın müharibədə qalib gələcəyi təqdirdə onun bərpasına trilyonlarla dollar ayrılacağını və Gürcüstanın bu prosesdə iştirak edə bilməyəcəyini bildirmişdi.

Xəbəri qiymətləndir
Məqalənin müəllifiInterPress

Son xəbərlər

Azərbaycanın Gürcüstandakı səfirliyi Tbilisidə baş vermiş partlayışla bağlı başsağlığı veribPoniçalada baş verən partlayışda ölənlərin sayı artıbKaxa Kaladze Poniçaladakı hadisə ilə bağlı: Binanın yalnız iki girişində problem var, qalan hissəsi yaşayış üçün yararlıdırPoniçalada xilasedicilər dağıntılar altından azyaşlı uşağı sağ çıxarıblarGia Abaşidze: “Xilasedicilər dağıntılar altında insanları axtararkən, ailələr yaxınlarının taleyi barədə xəbər gözləyir, ‘vətənsiz’ ‘millilər’ isə bu faciədən öz 28 noyabr biabırçı yürüşlərinin reklamSon xəbərlərə bax →