—

İrakli Kobaxidze: Anaklia limanı dövlətin birbaşa iştirakı ilə tikiləcək

571
İrakli Kobaxidze: Anaklia limanı dövlətin birbaşa iştirakı ilə tikiləcək
Dinləmək üçün basın

Gürcüstanın Baş naziri İrakli Kobaxidze İqtisadiyyat və Davamlı İnkişaf Nazirliyinə, xüsusilə də iqtisadiyyat naziri Mariam Kvrivişviliyə Anaklia dərin dəniz limanı layihəsinə yanaşmanın dəyişdirilməsinə görə təşəkkür…

Gürcüstanın Baş naziri İrakli Kobaxidze İqtisadiyyat və Davamlı İnkişaf Nazirliyinə, xüsusilə də iqtisadiyyat naziri Mariam Kvrivişviliyə Anaklia dərin dəniz limanı layihəsinə yanaşmanın dəyişdirilməsinə görə təşəkkür edib.

InterPress.ge xəbər verir ki, Baş nazirin sözlərinə görə, liman dövlətin birbaşa iştirakı ilə tikiləcək və bu model ölkənin milli maraqlarının maksimum qorunmasını təmin edəcək.

“İqtisadiyyat Nazirliyinə və şəxsən iqtisadiyyat nazirinə xüsusi təşəkkürümü bildirmək istəyirəm. Layihənin məhz bu yanaşma ilə davam etdirilməsi çox vacib idi. Əvvəllər Anaklia dərin dəniz limanının bir konkret tərəfdaşla birlikdə inkişaf etdirilməsi planlaşdırılırdı. İndi isə yanaşma dəyişib və liman dövlətin birbaşa iştirakı ilə inşa olunacaq. Dövlət bu prosesi idarə edəcək, daha sonra isə dövlət mülkiyyətində qalacaq limanın istismarı bir neçə operatora həvalə oluna bilər. Bu, milli maraqlarımızın maksimum qorunmasını və tərəfdaşların müxtəlifliyini təmin edən ideal modeldir. Eyni zamanda, Anaklia limanına mümkün qədər çox yük cəlb olunmasına imkan verəcək ki, bu da limanın səmərəli fəaliyyəti üçün vacibdir”, – deyə İrakli Kobaxidze bildirib.

Xatırladaq ki, Gürcüstanın iqtisadiyyat və davamlı inkişaf naziri Mariam Kvrivişvili hökumətin Anaklia limanının “Landlord” modeli əsasında tikilməsi barədə qərar qəbul etdiyini açıqlayıb.

Nazirin sözlərinə görə, bu model çərçivəsində əsas dəniz və liman infrastrukturu dövlətin mülkiyyətində qalacaq, beynəlxalq şirkətlər isə yalnız terminal infrastrukturunun idarə olunmasında iştirak edəcəklər və bunun mülkiyyət hüququ ilə heç bir əlaqəsi olmayacaq.

Xəbəri qiymətləndir
Məqalənin müəllifiInterPress

Son xəbərlər

Azərbaycanın Gürcüstandakı səfirliyi Tbilisidə baş vermiş partlayışla bağlı başsağlığı veribPoniçalada baş verən partlayışda ölənlərin sayı artıbKaxa Kaladze Poniçaladakı hadisə ilə bağlı: Binanın yalnız iki girişində problem var, qalan hissəsi yaşayış üçün yararlıdırPoniçalada xilasedicilər dağıntılar altından azyaşlı uşağı sağ çıxarıblarGia Abaşidze: “Xilasedicilər dağıntılar altında insanları axtararkən, ailələr yaxınlarının taleyi barədə xəbər gözləyir, ‘vətənsiz’ ‘millilər’ isə bu faciədən öz 28 noyabr biabırçı yürüşlərinin reklamSon xəbərlərə bax →