—

İrakli Kobaxidze Şio III-ü təbrik edib

207
İrakli Kobaxidze Şio III-ü təbrik edib
Dinləmək üçün basın

“Bu gün milli və mənəvi həyatımızın tarixində yeni səhifə açıldı – Gürcüstanın Apostol Avtokefal Pravoslav Kilsəsinin yeni rəhbəri var. Bütün Gürcüstanı Katolikos-Patriarxın seçilməsi münasibətilə təbrik edirəm!”

“Bu gün milli və mənəvi həyatımızın tarixində yeni səhifə açıldı – Gürcüstanın Apostol Avtokefal Pravoslav Kilsəsinin yeni rəhbəri var. Bütün Gürcüstanı Katolikos-Patriarxın seçilməsi münasibətilə təbrik edirəm!”

InterPress.ge xəbər verir ki, bu barədə Gürcüstanın Baş naziri İrakli Kobaxidzenin yaydığı bəyanatda qeyd olunub.

Baş nazir bildirib ki, Şio III-ün rəhbərliyinin Gürcüstanın sülhsevər, vahid və güclü gələcəyinə xidmət edəcəyinə inanır.

“Müqəddəs və mübarək Şio III, Sizi bu son dərəcə şərəfli və eyni zamanda olduqca məsuliyyətli missiyaya seçilməyiniz münasibətilə böyük ehtiramla təbrik edirəm. İnanırıq ki, Siz onilliklər ərzində müqəddəs və mübarək Patriarxımız II İliyanın xüsusi müdriklik və sevgi ilə yaratdığı böyük mənəvi irsi layiqincə davam etdirəcəksiniz.

Ana kilsə hər zaman Gürcüstan dövlətçiliyinin və xalqın mənəvi möhkəmliyinin sarsılmaz dayağı olub. Məhz pravoslav inancı ölkəmizi bu günə gətirib çıxaran əbədi dəyərləri qoruyub saxlayıb. İnanıram ki, Sizin ruhani rəhbərliyiniz Vətənimizin sülhsevər, vahid və güclü gələcəyinə xidmət edəcək.

Tanrı ölkəmizi və onun yeni mənəvi atasını qorusun!” – deyə İrakli Kobaxidze bildirib.

Qeyd edək ki, Gürcüstan Pravoslav Kilsəsinin yeni rəhbəri genişləndirilmiş kilsə şurasında seçilib. Senaki və Çxorotsku mitropoliti Şio (Muciri) 22 səs toplayaraq ölkənin 142-ci Katolikos-Patriarxı olub.

Digər namizədlərdən Urbnisi və Rui yeparxiyasının mitropoliti İob 9 səs, Poti və Xobi mitropoliti Qriqoli isə 7 səs alıb. Bir səs etibarsız sayılıb.

Genişləndirilmiş kilsə şurasının açıqlamasına əsasən, yeni seçilmiş Patriarxa Şio III adı verilib.

Xəbəri qiymətləndir
Məqalənin müəllifiInterPress

Son xəbərlər

Azərbaycanın Gürcüstandakı səfirliyi Tbilisidə baş vermiş partlayışla bağlı başsağlığı veribPoniçalada baş verən partlayışda ölənlərin sayı artıbKaxa Kaladze Poniçaladakı hadisə ilə bağlı: Binanın yalnız iki girişində problem var, qalan hissəsi yaşayış üçün yararlıdırPoniçalada xilasedicilər dağıntılar altından azyaşlı uşağı sağ çıxarıblarGia Abaşidze: “Xilasedicilər dağıntılar altında insanları axtararkən, ailələr yaxınlarının taleyi barədə xəbər gözləyir, ‘vətənsiz’ ‘millilər’ isə bu faciədən öz 28 noyabr biabırçı yürüşlərinin reklamSon xəbərlərə bax →