—

ბოლო 3 დღეში საწვავი კიდევ გაძვირდა - ზოგიერთ ბენზინგასამართზე ბენზინის ფასმა უკვე 4 ლარს მიაღწია

329
ბოლო 3 დღეში საწვავი კიდევ გაძვირდა - ზოგიერთ ბენზინგასამართზე ბენზინის ფასმა უკვე 4 ლარს მიაღწია
მოსასმენად დააჭირეთ

საქართველოში, ბოლო სამ დღეში საწვავი ისევ გაძვირდა. 31 მარტიდან საწვავზე ფასის მატება 6-დან 20 თეთრამდეა.

აღსანიშნავია, ისიც, რომ ზოგიერთ ბრენდულ ბენზინგასამართ სადგურზე ბენზინისა და დიზელის ფასმა უკვე 4 ლარს მიაღწია.

შეგახსენებთ, რომ 28 თებერვლიდან, ახლო აღმოსავლეთში მიმდინარე მოვლენების გამო, ჰორმუზის სრუტის გავლით გადაზიდვები შეფერხებულია. ეს მაშინ, როდესაც მსოფლიო ნავთობის მომარაგების დაახლოებით მეხუთედი, სწორედ, ჰორმუზის სრუტით ხორციელდებოდა.

აშშ-ისრაელსა და ირანს შორის ომის დაწყების შემდეგ კი, სრუტეში გადაადგილება თითქმის შეჩერებულია, რაც გავლენას ახდენს „შავი ოქროს“ გლობალურ ფასებზე.

საწვავის ფასმა 4 ლარს მიაღწია

როგორც უკვე აღვნიშნეთ, საერთაშორისო ბირჟებზე მიმდინარე ტენდენცია საქართველოს ბაზარზე დაახლოებით 9 მარტიდან აისახა და ბრენდულ ბენზინგასამართ სადგურებზე საწვავის ფასი რამდენიმე ეტაპად, საბოლოო ჯამში, 9 მარტიდან დღემდე, 27-დან 84 თეთრამდეა გაზრდილი.

უფრო კონკრეტულად, „ბიზნესპრესნიუსი” გთავაზობთ მონაცემებს, თუ როგორია საწვავის ფასები დღეს სხვადასხვა ბრენდულ ბენზინგასამართ სადგურზე და როგორ შეიცვალა ღირებულება, მას შემდეგ, რაც საწვავმა გაძვირება დაიწყო ქვეყანაში: (შენიშვნა: ფასები შედარებულია 2026 წლის 7 მარტის მონაცემებთან)

Gulf (ზრდა 46-დან 84 თეთრამდე)

  • G-Force სუპერი - 3.99 ლარი (3.53 ლარი იყო), გაიზარდა 46 თეთრით;
  • G-Force პრემიუმი - 3.59 ლარი ( 3.07 ლარი იყო), ზრდა 52 თეთრი;
  • G-Force ევრო რეგულარი - 3.45 ლარი (2.97 ლარი იყო), გაიზარდა 48 თეთრით;
  • ევრო რეგულარი - 3.43ლარი (2.92 ლარი იყო), გაიზარდა 51 თეთრით;
  • G-Force ევრო დიზელი - 3.97 (3.13 ლარი იყო), გაიზარდა 84 თეთრით;
  • ევრო დიზელი - 3.87ლარი ( 3.35ლარი იყო), გაიზარდა 52 თეთრით.

Wissol (ზრდა 38-დან 59 თეთრამდე)

  • ეკო სუპერი - 3.92 ლარი ( 3.54 ლარი იყო), გაიზარდა 38 თეთრით;
  • ეკო პრემიუმი - 3.52 ლარი (3.12 ლარი იყო), გაიზარდა 40 თეთრით;
  • ეკო დიზელი - 3.82 ლარი (3.23 ლარი იყო), გაიზარდა 59 თეთრით;
  • ევრო დიზელი - 3.77 ლარი (3.18 ლარი იყო), გაიზარდა 59 თეთრით;
  • ევრო რეგულარი -3.37 ლარი ( 2.97 ლარი იყო), გაიზარდა 40 თეთრით.

Socar (ზრდა 27-დან 76 თეთრამდე)

  • ნანო სუპერი - 3.82 ლარი (3.55 ლარი იყო), გაიზარდა 27 თეთრით;
  • ნანო პრემიუმი -3.50 ლარი ( 3.11 ლარი იყო), გაიზარდა 39 თეთრით;
  • ნანო ევრო რეგულარი - 3.34 ლარი ( 2.95 ლარი იყო), გაიზარდა 39 თეთრით;
  • ევრო 5 დიზელი - 3.65 ლარი (2.99 ლარი იყო), გაიზარდა 66 თეთრით;
  • ნანო ევრო 5 დიზელი -3.75 (3.08 ლარი იყო), გაიზარდა 76 თეთრით.

Rompetrol (ზრდა 33-დან 70 თეთრამდე)

  • Efix სუპერი - 3.92 ლარი (3.59 ლარი იყო), გაიზარდა 33 თეთრით;
  • Efix ევრო პრემიუმი - 3.53 ლარი (3.15 ლარი იყო), გაიზარდა 38 თეთრით;
  • ევრო რეგულარი - 3.39 ლარი (3.04 ლარი იყო), გაიზარდა 35 თეთრით;
  • Efix ევრო დიზელი - 3.85 ლარი (3.15 ლარი იყო), გაიზარდა 70 თეთრით;
  • ევრო დიზელი - 3.80 (3.10 ლარი იყო), გაიზარდა 70 თეთრით.

Portal (ზრდა 25-დან 80 თეთრამდე)

  • სუპერი -3.37 ლარი ( 2.99 ლარი იყო), გაიზარდა 38 თეთრით;
  • პრემიუმი - 3.19 ლარი (2.94 ლარი იყო), გაიზარდა 25 თეთრით;
  • ევრო რეგულარი - 2.99 ლარი (2.74 ლარი იყო), გაიზარდა 25 თეთრით;
  • ევრო დიზელი - 3.79 ლარი ( 2.99 ლარი იყო), გაიზარდა 80 თეთრით;
  • ეფექტური დიზელი - 3.59ლარი ( 2.84 ლარი იყო), გაიზარდა 75 თეთრით.
შეაფასეთ
სტატიის ავტორიInterPress

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →