—

სავალან მირზოევი: ქართველი ხალხის მწუხარება, აზერბაიჯანელებმა საკუთარ ტკივილად მიიღეს. რამაზანის ტრადიციული დღესასწაულის ღონისძიებების გაუქმებაც, ამ პატივისცემისა და მორალური პასუხისმგებლობის ერთ-ერთ უმაღლეს გამოხატულებად დარჩა

575
სავალან მირზოევი: ქართველი ხალხის მწუხარება, აზერბაიჯანელებმა საკუთარ ტკივილად მიიღეს. რამაზანის ტრადიციული დღესასწაულის ღონისძიებების გაუქმებაც, ამ პატივისცემისა და მორალური პასუხისმგებლობის ერთ-ერთ უმაღლეს გამოხატულებად დარჩა
მოსასმენად დააჭირეთ

საქართველოში მცხოვრებმა აზერბაიჯანულმა საზოგადოებამ წელს კიდევ ერთხელ აჩვენა მაღალი ერთგულება მორალური ღირებულებებისადმი. სრულიად საქართველოს კათოლიკოს-პატრიარქის, ილია II-ის გარდაცვალებასთან დაკავშირებით, ნოვრუზის…

საქართველოში მცხოვრებმა აზერბაიჯანულმა საზოგადოებამ წელს კიდევ ერთხელ აჩვენა მაღალი ერთგულება მორალური ღირებულებებისადმი. სრულიად საქართველოს კათოლიკოს-პატრიარქის, ილია II-ის გარდაცვალებასთან დაკავშირებით, ნოვრუზის დღესასწაულის ღონისძიებების გაუქმება, აზერბაიჯანელებმა ღრმა, სულიერი გაგებითა და პატივისცემით მიიღეს- წერს საქართველოს პარლამენტის წევრი სავალან მირზოევი სოციალურ ქსელში. 

მისი თქმით რამაზანის ტრადიციული დღესასწაულის ღონისძიებების გაუქმება იყო არა მხოლოდ ერთ დღესასწაულზე უარის თქმა, არამედ მეგობარი ხალხის ტკივილის გაზიარების, ადამიანური და მორალური ვალის მოხდის მაგალითი.

დეპუტატი ამ პატივისცემისთვის, საქართველოში მცხოვრებ ყველა აზერბაიჯანელს, დიდ მადლობას უხდის. 

„ეს გადაწყვეტილება მხოლოდ ფორმალური ნაბიჯი არ ყოფილა, არამედ საუკუნეების განმავლობაში ჩამოყალიბებული მეგობრობის, ძმობისა და ურთიერთპატივისცემის ნათელი მაგალითი გახლავთ. ამ რთულ დღეებში, ქართველი ხალხის მწუხარება, აზერბაიჯანელებმა საკუთარ ტკივილად მიიღეს, სოლიდარობა გამოხატეს და კიდევ ერთხელ აჩვენეს, რომ ამ მიწაზე მცხოვრები ხალხების გამაერთიანებელი ღირებულებები ძალიან მტკიცეა.

განსაკუთრებით აღსანიშნავია, რომ ილია II ყოველთვის დიდ პატივსა და ზრუნვას იჩენდა საქართველოში მცხოვრები აზერბაიჯანელების მიმართ. მის გამოსვლებსა და საქმიანობაში განსაკუთრებული ადგილი ეკავა სხვადასხვა ერებს შორის მშვიდობის, ურთიერთგაგებისა და ურთიერთპატივისცემის იდეებს. აზერბაიჯანული საზოგადოების მიმართ გამოვლენილი ყურადღება და მათი უფლებებისა და ღირებულებების მიმართ გამოჩენილი პატივისცემა, დღესაც მადლიერებით იხსენიება.

უფრო მეტიც, ყოველწლიურად, დიდი აღტაცებითა და პომპეზურობით აღნიშნული რამაზანის ტრადიციული დღესასწაულის ღონისძიებების გაუქმებაც, ამ პატივისცემისა და მორალური პასუხისმგებლობის ერთ-ერთ უმაღლეს გამოხატულებად დარჩა. ეს იყო არა მხოლოდ ერთ დღესასწაულზე უარის თქმა, არამედ მეგობარი ხალხის ტკივილის გაზიარების, ადამიანური და მორალური ვალის მოხდის მაგალითი.

გამოხატული ამ მაღალი პატივისა და პატივისცემისთვის, საქართველოში მცხოვრებ ყველა აზერბაიჯანელს, დიდ მადლობას ვუხდი. ეს ქცევა განსაკუთრებულ მნიშვნელობას ატარებს როგორც ადამიანურობის, ისე ერებს შორის მტკიცე კავშირების შენარჩუნების თვალსაზრისით.

დასასრულ, მიუხედავად ამ სევდიანი დღეებისა, ჩვენს ხალხს, გულითადად ვულოცავ ნოვრუზის დღესასწაულს. დაე, ნოვრუზმა თითოეულ ოჯახში მოიტანოს მშვიდობა, ჯანმრთელობა, კეთილდღეობა და სიუხვე“- წერს მირზოევი.

შეაფასეთ
სტატიის ავტორიInterPress

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →