—

Hökumət magistral yolların ətrafında tikintiyə nəzarəti sərtləşdirir

512
Hökumət magistral yolların ətrafında tikintiyə nəzarəti sərtləşdirir
Dinləmək üçün basın

Gürcüstan hökumətinin qərar layihəsinə əsasən, beynəlxalq əhəmiyyətli avtomobil yollarında və yolkənarı zonalarda – yolun oxundan hər iki istiqamətdə 200 metr məsafədə – yolun sahibi ilə razılaşdırılmadan tikinti…

Gürcüstan hökumətinin qərar layihəsinə əsasən, beynəlxalq əhəmiyyətli avtomobil yollarında və yolkənarı zonalarda – yolun oxundan hər iki istiqamətdə 200 metr məsafədə – yolun sahibi ilə razılaşdırılmadan tikinti işlərinin aparılması qadağan ediləcək.

InterPress.ge xəbər verir ki, bu barədə məlumatı İnfrastruktur Nazirliyi yayıb.

Qurumun bildirdiyinə görə, yeni tənzimləmə “Avtomobil yolları haqqında” Gürcüstan qanununa edilmiş dəyişikliklər əsasında hazırlanıb və məqsəd infrastrukturun fasiləsiz fəaliyyətinin qorunması, eləcə də beynəlxalq standartlara uyğun nəqliyyat sisteminin inkişafının təmin edilməsidir.

Məlumatda qeyd olunur ki, qaydalar artıq istismarda olan, həmçinin tikintisi və ya modernləşdirilməsi aparılan və planlaşdırılan magistral yol sahələrinə şamil ediləcək.

Nazirliyin açıqlamasında bildirilir ki, Gürcüstan beynəlxalq əhəmiyyətli magistral yolların tikintisi və yenilənməsini fəal şəkildə həyata keçirir. Bu layihələr ölkənin iqtisadi inkişafı, tranzit funksiyasının gücləndirilməsi və beynəlxalq əlaqələrin genişləndirilməsi baxımından strateji əhəmiyyət daşıyır.

Qadağa aşağıdakı istiqamətlərə şamil olunacaq: Tbilisi–Senaki–Leselidze, Senaki–Poti–Sarpi, Tbilisi–Qırmızı Körpü, Tbilisi–Bakurtsixe–Laqodexi, Marneuli–Sadaxlı, Tbilisi dairəvi yolu və Samtredia–Lançxuti–Qriqoleti.

Nazirlik vurğulayır ki, yolkənarı zonada icazəsiz fəaliyyətin məhdudlaşdırılması yolların təhlükəsiz və fasiləsiz istismarını təmin edəcək, həmçinin uzunmüddətli inkişaf strategiyasına zərər vura biləcək risklərin qarşısını alacaq.

Qeyd olunur ki, yeni tənzimləmə müasir infrastruktur idarəetmə standartlarının tətbiqi istiqamətində sistemli addımdır və həm yol təhlükəsizliyinə, həm də beynəlxalq magistralların müasir standartlara uyğun inkişafına xidmət edir.

Xəbəri qiymətləndir
Məqalənin müəllifiAysel İsmayılova

Son xəbərlər

Azərbaycanın Gürcüstandakı səfirliyi Tbilisidə baş vermiş partlayışla bağlı başsağlığı veribPoniçalada baş verən partlayışda ölənlərin sayı artıbKaxa Kaladze Poniçaladakı hadisə ilə bağlı: Binanın yalnız iki girişində problem var, qalan hissəsi yaşayış üçün yararlıdırPoniçalada xilasedicilər dağıntılar altından azyaşlı uşağı sağ çıxarıblarGia Abaşidze: “Xilasedicilər dağıntılar altında insanları axtararkən, ailələr yaxınlarının taleyi barədə xəbər gözləyir, ‘vətənsiz’ ‘millilər’ isə bu faciədən öz 28 noyabr biabırçı yürüşlərinin reklamSon xəbərlərə bax →