—

გოგი მეშველიანის განცხადებით, ბოლნისის სოფელ ნახიდურში დაპირისპირების შედეგად, „ქართული ოცნების“ 10-მდე აქტივისტი დაშავდა, მათ შორის 2-ის მდგომარეობა მძიმეა

105
გოგი მეშველიანის განცხადებით, ბოლნისის სოფელ ნახიდურში დაპირისპირების შედეგად, „ქართული ოცნების“ 10-მდე აქტივისტი დაშავდა, მათ შორის 2-ის მდგომარეობა მძიმეა
მოსასმენად დააჭირეთ

„ქართული ოცნების“ ბოლნისის, დმანისის, თეთრიწყაროსა და წალკის მაჟორიტარი დეპუტატობის კანდიდატის, გოგი მეშველიანის ინფორმაციით, ბოლნისის სოფელ ნახიდურში, ჩაიხანაში მომხდარი ფიზიკური დაპირისპირების შედეგად, "ქართული…

„ქართული ოცნების“ ბოლნისის, დმანისის, თეთრიწყაროსა და წალკის მაჟორიტარი დეპუტატობის კანდიდატის, გოგი მეშველიანის ინფორმაციით, ბოლნისის სოფელ ნახიდურში, ჩაიხანაში მომხდარი ფიზიკური დაპირისპირების შედეგად, "ქართული ოცნების" 10-მდე აქტივისტია დაშავებული, მათ შორის 2-ის მდგომარეობა მძიმეა.

როგორც მეშველიანმა განაცხადა, აღნიშნული ფიზიკური დაპირისპირების ფაქტზე გამოკითხულია მისი ძმა და სხვა პირებიც, რომლებიც შემთხვევის ადგილზე იმყოფებოდნენ.

"ჩემი ინფორმაციით 10-მდე ჩვენი აქტივისტია დაშავებული, ბუნებრივია, დაზიანების ხარისხი სხვადასხვაა, მსუბუქი დალურჯებიდან დაწყებული თავის ტვინის მძიმე შერყევამდე. ამ დროისათვის ჩვენი 2 აქტივისტია ჰოსპიტალიზირებული და ორივეს აქვს ძალიან მძიმე თავის ტრავმა და მათი მდგომარეობა ძალიან მძიმეა. მე სამწუხაროდ, არ მაქვს ინფორმაცია ჩვენი ოპონენტების მხრიდან დაშავებულების შესახებ ინფორმაცია, ბუნებრივია, იქ იყო გარკვეული ფიზიკური დაპირისპირება, რომელსაც შეიძლება მოჰყოლოდა მათი მხრიდანაც ფიზიკური დაზიანება, მაგრამ მე ამაზე ინფორმაცია არ მაქვს.

რაც შეეხება გამოკითხვას, გამოკითხვაზე იყო ჩემი ძმა, არა მხოლოდ ჩემი ძმა, გამოიკითხნენ ის ადამიანებიც, რომლებიც შემთხვევის ადგილზე იმყოფებოდნენ",- განაცხადა გოგი მეშველიანმა.

ცნობისთვის, ბოლნისში, სოფელ ნახიდურში დაპირისპირება მოხდა "ქართული ოცნებისა" და "ნაციონალური მოძრაობის" აქტივისტებს შორის.

როგორ შსს-ში "ინტერპრესნიუსს" განუცხადეს, მომხდარზე გამოძიება 126-ე მუხლის პირველი პრიმა ნაწილის "ბ" ქვეპუნქტით დაიწყო, რაც გულისხმობს ჯგუფურად ჩადენილ ძალადობას.

შეაფასეთ
სტატიის ავტორიInterPress

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →