—

Aİ: Avropa İttifaqı Gürcüstanda səfirə qarşı şəxsi hücumları qətiyyətlə pisləyir

340
Aİ: Avropa İttifaqı Gürcüstanda səfirə qarşı şəxsi hücumları qətiyyətlə pisləyir
Dinləmək üçün basın

"Gürcüstanda Aİ səfiri Pavel Herçinskinin ünvanına yönələn şəxsi hücumlar qətiyyətlə qınanır."

"Gürcüstanda Aİ səfiri Pavel Herçinskinin ünvanına yönələn şəxsi hücumlar qətiyyətlə qınanır."

InteraPress.ge xəbər verir ki, bu barədə Avropa İttifaqının Xarici Siyasət və Təhlükəsizlik üzrə sözçüsü Ənuar əl-Ənuninin yaydığı bəyanatda bildirib.

Bəyanatda vurğulanır ki, səfir Herçinski Avropa İttifaqının tam etimadına və dəstəyinə malikdir. Avropa İttifaqı Gürcüstandakı bütün siyasi aktorları dezinformasiyanın yayılmasından, təhrikedici şəxsi hücumlardan çəkinməyə və öz vətəndaşlarının xeyrinə Avropa gələcəyi uğrunda birgə çalışmağa çağırır.

“Avropa İttifaqı Gürcüstan hakimiyyətinin Aİ-nin ölkədəki roluna dair yaydığı dezinformasiyanı və əsassız ittihamları qətiyyətlə rədd edir və pisləyir. Son açıqlamalar, guya Aİ-nin Gürcüstanı qeyri-sabitləşdirmək, müharibəyə cəlb etmək və ya ‘qeyri-ənənəvi dəyərləri’ zorla qəbul etdirmək cəhdlərinə dair yalan məlumatların yayılması, ictimaiyyəti bilərəkdən çaşdırmaq niyyətini daşıyır.

Aİ-Gürcüstan münasibətlərinin altını qazmaq üçün istifadə olunan rus üslubunda qəsd nəzəriyyələri və cəmiyyəti parçalamağa yönəlmiş ritorika yalnız Gürcüstanın demokratik və Avropa yoluna qarşı çıxanlara xidmət edir.

Biz Gürcüstanda Aİ səfiri Pavel Herçinskiyə qarşı yönəlmiş şəxsi hücumları qətiyyətlə qınayırıq. O, Aİ ilə Gürcüstan arasında münasibətlərin inkişafında həyati əhəmiyyətli rol oynayır və onun tam dəstəyi Avropa İttifaqı tərəfindən təmin olunur. Gürcüstandakı bütün siyasi qüvvələri dezinformasiyadan və şəxsi hücumlardan çəkinməyə, xalq üçün Avropa gələcəyi uğrunda çalışmağa çağırırıq.

Avropa İttifaqı Gürcüstanın ardıcıl və etibarlı tərəfdaşıdır. Aİ bir daha Gürcüstanın ərazi bütövlüyünə sadiqliyini təsdiqləyir və gürcü xalqına dəyişməz həmrəyliyini və Avropa gələcəyi yolunda onları dəstəkləməyə hazır olduğunu bəyan edir”, – deyə bəyanatda qeyd olunur.

Xəbəri qiymətləndir
Məqalənin müəllifiAysel İsmayılova

Son xəbərlər

Poniçalada baş verən partlayışda ölənlərin sayı artıbKaxa Kaladze Poniçaladakı hadisə ilə bağlı: Binanın yalnız iki girişində problem var, qalan hissəsi yaşayış üçün yararlıdırPoniçalada xilasedicilər dağıntılar altından azyaşlı uşağı sağ çıxarıblarGia Abaşidze: “Xilasedicilər dağıntılar altında insanları axtararkən, ailələr yaxınlarının taleyi barədə xəbər gözləyir, ‘vətənsiz’ ‘millilər’ isə bu faciədən öz 28 noyabr biabırçı yürüşlərinin reklamTornike Çeişvili Konstitusiya Məhkəməsində Navtlugi xüsusi əməliyyatı, Tsindeliani və Kardava işlərini xatırladıbSon xəbərlərə bax →