—

შალვა პაპუაშვილი - გურიაში ბევრ სოფელთან უკვე აღდგა კავშირი, მიდის გაწმენდითი სამუშაოები

78
შალვა პაპუაშვილი - გურიაში ბევრ სოფელთან უკვე აღდგა კავშირი, მიდის გაწმენდითი სამუშაოები
მოსასმენად დააჭირეთ

გურიაში] ბევრ სოფელთან უკვე აღდგა კავშირი, მიდის გაწმენდითი სამუშაოები. ვისაც აქვს საჭიროებები, მათ შორის, პირველადი დანიშნულების სხვადასხვა საკითხებთან დაკავშირებით, შესაბამისად მიეწოდებათ, - ამის შესახებ პარლამენტის…

გურიაში] ბევრ სოფელთან უკვე აღდგა კავშირი, მიდის გაწმენდითი სამუშაოები. ვისაც აქვს საჭიროებები, მათ შორის, პირველადი დანიშნულების სხვადასხვა საკითხებთან დაკავშირებით, შესაბამისად მიეწოდებათ, - ამის შესახებ პარლამენტის თავმჯდომარემ, შალვა პაპუაშვილმა ჟურნალისტებს განუცხადა.

მისივე თქმით, პრემიერ-მინისტრი იმყოფება ადგილზე და პროცესს თავად ხელმძღვანელობს.

„რაც შეეხება სტიქიას, საზოგადოება ხედავს, მათ შორის, ადგილზე, რომ მიდის ინტენსიური გაწმენდითი სამუშაოები იმისთვის, რომ დიდთოვლობისგან გამოწვეული კომუნიკაციის შეფერხებები აღმოიფხვრას. პრემიერ-მინისტრი არის ადგილზე, გურიაში. თუმცა იცით, რომ სხვა რეგიონებშიც არის დიდთოვლობა, მაგრამ არა იმ მასშტაბისა და სიმძიმის, როგორც გურიაში. პრემიერ-მინისტრი ადგილზეა და თავად ხელმძღვანელობს ამ პროცესს. ვითარებას ართულებს ის, რომ თოვა არ წყდება, საჭიროებაა ხელახალი გაწმენდითი სამუშაოების, აქედან გამომდინარე ასეთ პირობებში მუშაობა რთულია. იცით, რომ ბევრ სოფელთან უკვე აღდგა კავშირი, მიდის გაწმენდითი სამუშაოები. ვისაც აქვს საჭიროებები, მათ შორის პირველადი დანიშნულების სხვადასხვა საკითხებთან დაკავშირებით, შესაბამისად მიეწოდებათ. ამ პროცესში მეხანძრე-მაშველებთან ერთად, პოლიციის დანაყოფები, თავდაცვის სამინისტროს დანაყოფები არიან ჩართულნი. ასევე, ექიმები, რომლებიც ინტენსიურად მუშაობენ. მთლიანად პროცესი არის კონტროლის ქვეშ და მიდის ის სამუშაოები, რაც საჭიროა.

ამასთან ერთად, უკვე მერამდენეჯერ ვნახეთ, რომ როცა საჭიროა საზოგადოების ერთიანობა, კონცენტრირება საქმეზე, ზუსტად იმ მომენტში ვხედავთ ოპოზიციას, მის მედიას და „ენჯეოებს“, რომლებიც ზურგში დანას სცემენ ქართულ საზოგადოებას. აშკარა ცრუ ინფორმაციის გავრცელებით ცდილობენ დათესონ პანიკა, შეიტანონ დაბნეულობა საზოგადოებაში, ისედაც რთული ემოციური ფონის არსებობისას, კიდევ უფრო დაამძიმონ და გააღიზიანონ საზოგადოება, რაც არ ჯდება არანაირ მედია და ადამიანურ სტანდარტში. გუშინდელი ჩემი კომენტარიც იყო პირდაპირ სპეკულაციურად დაჩეხილი. მიზანი გასაგებია - პოლიტიკური მიზნებისთვის გამოიყენონ ყველა ასეთი შემთხვევა. კიდევ ერთხელ მოვუწოდებ ყველას, ასეთ დროს მნიშვნელოვანია საზოგადოების ერთიანობა, თუმცა ამას შეჩვეულები ვართ, ეს არ არის პირველი შემთხვევა, როცა ოპოზიცია, მისი მედია და „ენჯეოები“ ჩვენს საზოგადოებას ზურგში დანას ურტყამს და სოლიდარობის, ემპათიისა და გვერდში დგომის ნაცვლად, ვხედავთ ფეხის დადებას ამ ადამიანების მხრიდან“, - განაცხადა შალვა პაპუაშვილმა.

შეაფასეთ
სტატიის ავტორიაისელ ისმაილოვა

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →