—

საპარლამენტო კომიტეტების ფორმირებისთვის საჭირო წევრთა რაოდენობა შემცირდა

47
საპარლამენტო კომიტეტების ფორმირებისთვის საჭირო წევრთა რაოდენობა შემცირდა
მოსასმენად დააჭირეთ

საპარლამენტო კომიტეტების ფორმირებისთვის საჭირო წევრთა რაოდენობა შემცირდა.

პარლამენტმა მესამე მოსმენით დაამტკიცა რეგლამენტში ცვლილებები, რომლის მიხედვით, კომიტეტის სრული შემადგენლობა არანაკლებ ცხრა დეპუტატით განისაზღვრება, ნაცვლად პარლამენტის 10 წევრისა, ხოლო კომიტეტი უფლებამოსილი იქნება მუშაობას შეუდგეს, თუ დანიშნული იქნება კომიტეტის თავმჯდომარე და არანაკლებ ხუთი წევრი, ნაცვლად, ჯერ კიდევ მოქმედი რეგლამენტით განსაზღვრული არანაკლებ, შვიდი წევრისა.

ამავე პროექტის გათვალისწინებით, მუდმივმოქმედ საპარლამენტო დელეგაციებსა და მეგობრობის ჯგუფებში შემადგენლობის ცვლილებაზე გადაწყვეტილებას პარლამენტის ბიურო მიიღებს და საკითხის პლენარულ სხდომაზე გატანა საჭირო აღარ იქნება.

გარდა ამისა, პარლამენტის რეგლამენტში შეტანილი ცვლილებების საფუძველზე “ქართული ოცნების“ დეპუტატებს, რომელთაც დელეგატის სტატუსი აქვთ, სადელეგატო ოლქებში ბიუროები ექნებათ.

აქამდე ბიურო მაჟორიტარული სისტემით არჩეული დეპუტატებისთვის ფუნქციონირებდა. ბიურო პარლამენტის ბიუჯეტიდან ფინანსდებოდა და მისი ფუნქციონირების მთავარი მიზანი ადგილზე მაჟორიტარ დეპუტატსა და მოქალაქეებს შორის კომუნიკაციის ხელშეწყობა იყო.

პარლამენტის რეგლამენტში ცვლილების მიხედვით, ბიუროები დელეგატი წევრებისთვისაც შეიქმნება. ბიურო სწორედ იმ დეპუტატებს ექნებათ, რომლებიც პარლამენტში ერთიანი პროპორციული სიით შევიდნენ და დელეგატის სტატუსი აქვთ.

დელეგატ დეპუტატებთან დაკავშირებით რეგლამენტში კიდევ ერთი ცვლილება განხორციელდა. კერძოდ, იმ შემთხვევაში, თუ ოლქის დელეგატს პარლამენტის წევრის უფლებამოსილება ვადამდე შეუწყდება, მის უფლებამონაცვლეს ფრაქციის წევრთაგან, დელეგატის წარმდგენი პოლიტიკური პარტიის მიერ შექმნილი ფრაქცია დაასახელებს.

პარლამენტმა რეგლამენტში ცვლილებები დაჩქარებული წესით განიხილა და დაამტკიცა.

İpn

შეაფასეთ
სტატიის ავტორიხუმაია მამედოვი

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →