—

სალომე ზურაბიშვილი - ჩვენ გადავედით რეჟიმში, რომელიც აწარმოებს ნამდვილ ტერორს თავის მოქალაქეებზე, ახალგაზრდებზე - ეს არის უკვე რუსული რეჟიმი

47
სალომე ზურაბიშვილი - ჩვენ გადავედით რეჟიმში, რომელიც აწარმოებს ნამდვილ ტერორს თავის მოქალაქეებზე, ახალგაზრდებზე - ეს არის უკვე რუსული რეჟიმი
მოსასმენად დააჭირეთ

ჩვენ გადავედით რეჟიმში, რომელიც აწარმოებს ნამდვილ ტერორს თავის მოქალაქეებზე, ახალგაზრდებზე, - ამის შესახებ საქართველოს პრეზიდენტმა სალომე ზურაბიშვილმა ბრიფინგზე განაცხადა.

როგორც პრეზიდენტმა აღნიშნა, ეს არის რუსული რეჟიმი, რომელიც საკუთარი ქმედებებით საქართველოს კონსტიტუციას არღვევს.

„ირღვევა ყველანაირი უფლებები სამოქალაქო სექტორის ხმის ამოღების შემდეგ, რაც ჩვენს ქვეყანაში ახალი არის და ნამდვილად იმის ნიშანია, რომ სამოქალაქო საზოგადოება იზრდება და ბევრად უფრო შეგნებულია დღეს, ვიდრე ოდესაც, ახლო წარსულში იყო. ამან გამოიწვია დაშინება, მუქარა. უნდა ითქვას თბილისის მერის განცხადებაც, მაგრამ არა მხოლოდ. ის არ იქნება ერთადერთი, რომელიც ასე ემუქრება იმ მოქალაქეებს, რომლებმაც გაბედეს და პროტესტს მოაწერეს ხელი. ეს ხომ არის ყველაზე ნათელი ნიშანი იმისა, რომ გამოთქმის თავისუფლებაც იწურება. ეს ყველაფერი თქვენც კარგად იცით და მე აქ ყველაფერს არ აღვწერ, მაგრამ ეს არის იმის ნიშანი, რომ ქვეყანაში რეალურად დაიწყო არა მხოლოდ ადამიანის უფლებების შეზღუდვა. ჩვენ გადავედით რეჟიმში, რომელიც აწარმოებს ნამდვილ ტერორს თავის მოქალაქეებზე, ახალგაზრდებზე. საზოგადოების სხვადასხვა სეგმენტზე და რომელიც არ ერიდება იმას, რომ წამებაც გამოიყენოს. ეს არის სხვა სიტყვებით და მოკლედ აღწერილი, უკვე რუსული რეჟიმი. თავიანთი ქმედებებით ირღვევა საქართველოს კონსტიტუცია. საქართველოს კონსტიტუციის მე-9 მუხლი, ადამიანის ღირსების ხელშეუვალობა, მე-17 მუხლი, აზრის და მისი გამოხატვის თავისუფლება. 21-ე მუხლი-შეკრების თავისუფლება. ადამიანის უფლებათა საყოველთაო დეკლარაციის მე-19-ე მუხლი, გამოხატვის, მშვიდობიანი შეკრებისა და გაერთიანების უფლება, ადამიანის უფლებათა ევროპული კონვენცია მე-3 მუხლი-წამებისა და არაადამიანური მოპყრობის აკრძალვა. მე-10 მუხლი გამოხატვის თავისუფლება. მე-11 მუხლი შეკრებისა და გაერთიანების თავისუფლება. ამით არ კმაყოფილდება ეს რეჟიმი და ახალ კანონებს ამზადებენ“, - განაცხადა ზურაბიშვილმა.

İpn

შეაფასეთ
სტატიის ავტორიხუმაია მამედოვი

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →