—

სალომე ზურაბიშვილი - დღეს გვჭირდება გონივრული გადაწყვეტილებები

26
სალომე ზურაბიშვილი - დღეს გვჭირდება გონივრული გადაწყვეტილებები
მოსასმენად დააჭირეთ

დღეს გვჭირდება კოორდინირებულად მიღებული გონივრული გადაწყვეტილებები, ეს არის წინააღმდეგობის მოძრაობა და მე ვიქნები პრეზიდენტი ბოლომდე, მე ვარ ერთადერთი ლეგიტიმური ინსტიტუტი, – ამის შესახებ საქართველოს პრეზიდენტმა, სალომე…

დღეს გვჭირდება კოორდინირებულად მიღებული გონივრული გადაწყვეტილებები, ეს არის წინააღმდეგობის მოძრაობა და მე ვიქნები პრეზიდენტი ბოლომდე, მე ვარ ერთადერთი ლეგიტიმური ინსტიტუტი, – ამის შესახებ საქართველოს პრეზიდენტმა, სალომე ზურაბიშვილმა ორბელიანების სასახლეში ოპოზიციის წარმომადგენლებთან ერთად გამართულ ბრიფინგზე განაცხადა.

ზურაბიშვილის თქმით, ის არის ერთადერთი, რომელსაც აქვს უფლება, დაელაპარაკოს მსოფლიოს ქართული საზოგადოების სახელით.

„დღეს ასევე მოვიწვიე პოლიტიკური პარტიები, სხვადასხვა მოძრაობა, ვინც შეძლო აქამდე მოსვლა, რადგან ვიცი, რომ ბევრი არასამთავრობო ორგანიზაცია ქუჩის აქციებშია, ხალხი გამოდის სპონტანურად. მე მივმართე პოლიტიკურ პარტიებს, რომ ახლა დრო აღარ არის – მე ჩემი გზა, ჩემი ხედვა, ჩემი სურვილები მაქვს, ეს ყველაფერი დამთავრდა. დღეს ამ გამოწვევის წინაშე ან ვართ ერთად, ან არ ვიქნებით. ჩვენი პასუხისმგებლობა იქნება და მე ვიქნები მათთან, თქვენთან ერთად იმდენად, რამდენადაც იქნებიან ერთიანი, მიიღებენ ერთად კოორდინირებულ გადაწყვეტილებებს. არავინ სთხოვს პოლიტიკურ პარტიებს, უცებ გახდნენ ერთი პარტია, ღმერთმა გვაშოროს ამისგან. აღარ გვინდა ერთპარტიული სისტემა და ამას ჩამოვშორდებით საბოლოოდ. დღეს გვჭირდება კოორდინირებულად მიღებული გონივრული გადაწყვეტილებები. ეს არის წინააღმდეგობის მოძრაობა და მე ვიქნები პრეზიდენტი ბოლომდე. მე დღეს ვარ ერთადერთი ლეგიტიმური ინსტიტუტი ამ ქვეყანაში, მე ვარ ერთადერთი ლეგიტიმური წარმომადგენელი ამ ქვეყნის, მე ვარ ერთადერთი, რომელსაც აქვს უფლება, დაელაპარაკოს მსოფლიოს ჩვენი საზოგადოების სახელით. მე ამას ვაპირებ და ბოლომდე ვიქნები აქ, ვიდგები თქვენთან და საზოგადოებასთან ერთად“, – განაცხადა სალომე ზურაბიშვილმა.

1tv

შეაფასეთ
სტატიის ავტორიხუმაია მამედოვი

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →