—

მამუკა მდინარაძე - ხაზგასმით ვაცხადებ, ჟურნალისტებისთვის პროფესიულ საქმიანობაში ხელის შეშლა საგამოძიებო ორგანოების ყურადღების მიღმა არ უნდა დარჩეს

48
მამუკა მდინარაძე - ხაზგასმით ვაცხადებ, ჟურნალისტებისთვის პროფესიულ საქმიანობაში ხელის შეშლა საგამოძიებო ორგანოების ყურადღების მიღმა არ უნდა დარჩეს
მოსასმენად დააჭირეთ

სამწუხაროა, რომ რადიკალური ოპოზიციის ტელემედიის ჟურნალისტები არც კი იმჩნევენ ხოლმე საკუთარი კოლეგების „ბულინგს“, შეურაცხყოფას და მშვიდად უყურებენ ჟურნალისტურ საქმიანობაში ხელის შეშლის ფაქტებს, - ამის შესახებ „ქართული…

სამწუხაროა, რომ რადიკალური ოპოზიციის ტელემედიის ჟურნალისტები არც კი იმჩნევენ ხოლმე საკუთარი კოლეგების „ბულინგს“, შეურაცხყოფას და მშვიდად უყურებენ ჟურნალისტურ საქმიანობაში ხელის შეშლის ფაქტებს, - ამის შესახებ „ქართული ოცნების" აღმასრულებელმა მდივანმა, მამუკა მდინარაძემ განაცხადა.

ის საპროტესტო აქციებზე ჟურნალისტებისთვის პროფესიულ საქმიანობაში ხელშეშლის ფაქტებს გამოეხმაურა და აღნიშნა, რომ ამგვარი დანაშაულებრივი ქმედებები არ უნდა დარჩეს არც საზოგადოების და არც საგამოძიებო ორგანოების ყურადღების მიღმა.

„მინდა მხარდაჭერა გამოვუცხადო ყველას, ვინც გახდით ასეთი ზეწოლის, „ბულინგის“ თუ დანაშაულის ობიექტები. ხაზგასმით და მკაფიოდ ვაცხადებ, ამგვარი დანაშაულებრივი ქმედებები არ უნდა დარჩეს არც საზოგადოების და არც საგამოძიებო ორგანოების ყურადღების მიღმა, მითუმეტეს, როდესაც ჟურნალისტებისთვის პროფესიულ საქმიანობაში ხელის შეშლა არის სისხლის სამართლის კოდექსით გათვალისწინებული დანაშაული და ეს ყველამ უნდა გაითვალისწინოს. ასევე, სამწუხაროა, რომ რადიკალური ოპოზიციის ტელემედიის ჟურნალისტები არც კი იმჩნევენ ხოლმე საკუთარი კოლეგების „ბულინგს“, შეურაცხყოფას და მშვიდად უყურებენ ჟურნალისტურ საქმიანობაში ხელის შეშლის ფაქტებს. მათაც მოვუწოდებ, კეთილი ინებონ, ამ შემთხვევაში მაინც გამოიჩინონ კოლეგიალურობა, ერთი სიტყვა გაბედონ სხვა ჟურნალისტების დასაცავად და ამაზე მაინც ამოიღონ ხმა“, - განაცხადა მდინარაძემ.

მან აღნიშნა, რომ ჟურნალისტებისთვის პროფესიულ საქმიანობაში ხელშეშლის ფაქტებზე რეაგირება უნდა მოხდეს და ორმაგი სტანდარტი არ უნდა იყოს.

„სიმართლე რომ მწარეა, ეს სიმართლე ძალიან სტკივათ და როგორც ჩანს, „იმედისგან“ ეს სიმართლე ძალიან აწუხებთ. როცა ასეთი ფაშისტური მიდგომები არის, ამას ყველა დემოკრატიულ ქვეყანაში კანონი უპირისპირდება“, - განაცხადა მდინარაძემ.

İpn

შეაფასეთ
სტატიის ავტორიხუმაია მამედოვი

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →