—

ირაკლი კობახიძე: ეს არჩევნები წარიმართება უპრეცედენტო გარე ჩარევის ფონზე, მაგრამ საზოგადოება ხედავს ყველაფერს

50
ირაკლი კობახიძე: ეს არჩევნები წარიმართება უპრეცედენტო გარე ჩარევის ფონზე, მაგრამ საზოგადოება ხედავს ყველაფერს
მოსასმენად დააჭირეთ

მართალია, ცალკეული სენატორის განცხადებები ზიანს აყენებს სენატის რეპუტაციას, მაგრამ სენატი მაინც დარჩება ჩვენი პარტნიორი ქვეყნის ერთ-ერთ უმთავრეს სახელმწიფო ინსტიტუტად და ჩვენ ვაპირებთ თანამშრომლობის გაგრძელებას…

მართალია, ცალკეული სენატორის განცხადებები ზიანს აყენებს სენატის რეპუტაციას, მაგრამ სენატი მაინც დარჩება ჩვენი პარტნიორი ქვეყნის ერთ-ერთ უმთავრეს სახელმწიფო ინსტიტუტად და ჩვენ ვაპირებთ თანამშრომლობის გაგრძელებას, - განუცხადა ჟურნალისტებს საქართველოს პრემიერ-მინისტრმა, ირაკლი კობახიძემ.

როგორც მთავრობის მეთაურმა აღნიშნა, როდესაც ერთ-ერთი სენატორი გამოდის და ვიგინდარას უწოდებს საქართველოში მმართველ პარტიას, შეურაცხყოფას აყენებს პირველ რიგში აშშ-ის სენატს.

„ყველა ხედავთ, რომ რეალურად არის ინტენსიური გარე ჩარევა. ეს არჩევნები წარიმართება უპრეცედენტო გარე ჩარევის ფონზე. გამოდის ერთ-ერთი სენატორი და შეურაცხყოფას აყენებს პირველ რიგში აშშ-ის სენატს, როდესაც ვიგინდარას უწოდებს მმართველ პარტიას, ხალხის მიერ არჩეულ მმართველ პარტიას საქართველოში. დღეს არის გარე ჩარევის მცდელობა, მაგრამ საზოგადოება ხომ ხედავს ყველაფერს, აქედან გამომდინარე ვერც ერთ ასეთ მცდელობას ვერ ექნება წარმატება. რაც შეეხება ასეთ შეფასებებს, ასეთ განცხადებებს, ასეთი რამ პირველ რიგში ზიანს აყენებს თავად იმ ინსტიტუტების იმიჯს, რომლებსაც ეს ადამიანები წარმოადგენენ. თუმცა ყველას გვესმის, რომ ცალკეული სენატორები საბოლოო ჯამში ვერ განზოგადდებიან სენატზე. მართალია, მათი განცხადებები ზიანს აყენებს სენატის რეპუტაციას, მაგრამ სენატი მაინც დარჩება ჩვენი პარტნიორი ქვეყნის ერთ-ერთ უმთავრეს სახელმწიფო ინსტიტუტად და ჩვენ ვაპირებთ თანამშრომლობის გაგრძელებას“, - განაცხადა ირაკლი კობახიძემ.

İmedi

შეაფასეთ
სტატიის ავტორიხუმაია მამედოვი

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →